ഖത്തറിനു കുറുകെ ഓടി ലോക റെക്കോർഡ് സ്വന്തമാക്കി മലയാളി. 30 മണിക്കൂർ 34 മിനിറ്റ് 9 സെക്കന്റ് കൊണ്ട് ഖത്തറിന് കുറുകെ ഓടിയാണ് ഖത്തർ പ്രവാസിയും തലശ്ശേരി സ്വദേശിയുമായ ഷക്കീർ ചീരായി നേട്ടം സ്വന്തമാക്കിയത്. ഖത്തറിലെ കാറ്റും കടുത്ത മഞ്ഞും വകവെയ്ക്കാതെയാണ് ഷക്കീർ തന്റെ ലക്ഷ്യത്തിൽ ഓടിയെത്തിയത്. ഈ മാസം 17ന് രാവിലെ ആറ് മണിക്ക് തെക്ക് അബു സംറ അതിർത്തിയിൽ നിന്നാണ് ഓട്ടം ആരംഭിച്ചത്. 192.14 കിലോമീറ്റർ ഓടി 18ന് ഉച്ചക്ക് ഖത്തറിന്റെ വടക്ക് അൽ റുവൈസ് തുറമുഖത്ത് ഉച്ചക്ക് 12 54 നാണ് ആണ് ഷക്കീർ എത്തിയത്. ഹാപ്പിനസ് റൺ എന്നാണ് ഷക്കീർ ഓട്ടത്തിന് പേര് നൽകിയത്.
തുനീഷ്യ സ്വദേശി സഡോക് കോച്ച്ബാറ്റിയുടെ ഗിന്നസ് റെക്കോർഡ് ആണ് ഷക്കീർ ഇതിലൂടെ മറികടന്നത്. 34 മണിക്കൂർ 19 മിനിറ്റ് 18 സെക്കന്റ് എന്ന റെക്കോർഡ് ആണ് അദ്ദേഹം മറികടന്നത്. അധികൃതർ ഇതുമായി ബന്ധപ്പെട്ട റെക്കേർഡ് പ്രഖ്യാപിച്ചു. ഇടവേളകളില്ലാതെ ഖത്തറിന് കുറുകെ ഏറ്റവും വേഗത്തിൽ ഓടി തീർത്ത ഓട്ടക്കാരൻ എന്ന ബഹുമതിയാണ് ഷക്കീറിനെ തേടിയെത്തിയിരിക്കുന്നത്. ഷക്കീർ ഖത്തറിലെ പ്രവാസിയാണ് ദോഹ ബാങ്കിലെ ജീവനക്കാരൻ ആണ് ഷക്കീർ. അടുത്ത തവണ ഈ റെക്കേർഡ് ആര് മറികടക്കുന്നത് വരെ ഇനി ഇത് ഷക്കീറിന് സ്വന്തമായിരിക്കും.
ഏറ്റവും വേഗത്തിൽ ഒരു രാജ്യത്തിന് കുറുകെ ഓടി തീർത്ത ഓട്ടക്കാരി എന്ന ഗിന്നസ് റൊക്ക് ഇന്ത്യക്കാരിക്ക് സ്വന്തമാണ്. കഴിഞ്ഞ ജനുവരി 12നാണ് അജ്മീർ സ്വദേശിനിയായ ഇന്ത്യയുടെ അൾട്രാ റണ്ണർ സൂഫിയ സുഫി ഖത്തറിൽ വെച്ച് ആ നേട്ടം സ്വന്തമാക്കിയത്. ഖത്തറിന്റെ തെക്ക് മുതൽ വടക്ക് വരെ 200 കിലോമീറ്റർ ദൂരം 30 മണിക്കൂർ 34 മിനിറ്റിൽ ആണ് യുവതി ഓടി തീർത്തത്.
