ഖ​ത്ത​ർ എ​യ​ർ​​വേ​സ് ദോ​ഹ-​അ​ൽ​ഉ​ല സ​ർ​വി​സ്​ ആ​രം​ഭി​ച്ചു

ദോ​ഹ​ക്കും അ​ൽ​ഉ​ല​ക്കു​മി​ട​യി​ൽ ഖ​ത്ത​ർ എ​യ​ർ​​വേ​​​സി​​ന്‍റെ നേ​രി​ട്ടു​ള്ള വി​മാ​ന സ​ർ​വി​സ്​ തു​ട​ങ്ങി. ഖ​ത്ത​ർ സാം​സ്​​കാ​രി​ക മ​ന്ത്രി ശൈ​ഖ്​ അ​ബ്​​ദു​റ​ഹ്​​മാ​ൻ ബി​ൻ ഹ​മ​ദ് അ​ൽ​താ​നി​യു​ടെ സാ​ന്നി​ധ്യ​ത്തി​ൽ സൗ​ദി സാം​സ്​​കാ​രി​ക മ​ന്ത്രി​യും അ​ൽ​ഉ​ല ഗ​വ​ർ​ണ​റേ​റ്റ്​ റോ​യ​ൽ ക​മീ​ഷ​ൻ ഗ​വ​ർ​ണ​റു​മാ​യ അ​മീ​ർ ബ​ദ​ർ ബി​ൻ അ​ബ്​​ദു​ല്ല ബി​ൻ ഫ​ർ​ഹാ​ൻ വി​മാ​ന സ​ർ​വി​സ്​ ഔ​ദ്യോ​ഗി​ക​മാ​യി ഉ​ദ്ഘാ​ട​നം ചെ​യ്​​തു. ദോ​ഹ​യി​ൽ​നി​ന്ന് അ​ൽ​ഉ​ല​യി​ലേ​ക്ക് നേ​രി​ട്ടു​ള്ള വി​മാ​ന സ​ർ​വി​സു​ക​ൾ ആ​രം​ഭി​ച്ച​ത്.

ഖ​ത്ത​റി​നും സൗ​ദി​ക്കു​മി​ട​യി​ലെ ഗ​താ​ഗ​തം ശ​ക്തി​പ്പെ​ടു​ത്തു​ന്ന​തി​നു​ള്ള പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച​യാ​ണെ​ന്ന്​ സൗ​ദി സാം​സ്​​കാ​രി​ക മ​ന്ത്രി പ​റ​ഞ്ഞു. ആ​ഗോ​ള വി​നോ​ദ​സ​ഞ്ചാ​ര​കേ​ന്ദ്ര​മെ​ന്ന നി​ല​യി​ൽ അ​ൽ​ഉ​ല​യി​ലേ​ക്ക്​ ​പ്ര​തീ​ക്ഷി​ക്കു​ന്ന വ​ർ​ധി​ച്ച വി​മാ​ന സ​ർ​വി​സു​ക​ളു​ടെ ഭാ​ഗ​മാ​ണ്. മേ​ഖ​ല​യി​ലെ സ​ഹോ​ദ​ര​ങ്ങ​ളു​മാ​യി സ​ഹ​ക​രി​ച്ച് അ​ൽ​ഉ​ല​യെ മ​റ്റ് വി​വി​ധ ഘ​ട്ട​ങ്ങ​ളി​ലേ​ക്ക് മാ​റ്റു​ന്ന​തി​ന് അ​ന്താ​രാ​ഷ്​​ട്ര വി​മാ​ന​ങ്ങ​ളു​ടെ എ​ണ്ണം സ​ഹാ​യി​ക്കു​മെ​ന്നും സാം​സ്​​കാ​രി​ക മ​ന്ത്രി പ​റ​ഞ്ഞു.

ദോ​ഹ​യി​ൽ​നി​ന്ന് അ​ൽ​ഉ​ല​യി​ലേ​ക്ക്​ വി​മാ​ന സ​ർ​വി​സു​ക​ൾ ആ​രം​ഭി​ക്കു​ന്ന​ത് സം​യു​ക്ത പ്ര​വ​ർ​ത്ത​നം മെ​ച്ച​പ്പെ​ടു​ത്തു​ന്ന​തി​നു​ള്ള ഖ​ത്ത​ർ-​സൗ​ദി കോ​ഓ​ഡി​നേ​ഷ​ൻ കൗ​ൺ​സി​ലി​​ന്‍റെ സാം​സ്​​കാ​രി​ക, വി​നോ​ദ​സ​ഞ്ചാ​ര, വി​നോ​ദ സ​മി​തി​യു​ടെ പ​ങ്കു വ്യ​ക്ത​മാ​ക്കു​ന്ന സു​പ്ര​ധാ​ന ഘ​ട്ട​മാ​ണെ​ന്ന്​​ ഖ​ത്ത​ർ സാം​സ്​​കാ​രി​ക മ​ന്ത്രി പ​റ​ഞ്ഞു. സാം​സ്​​കാ​രി​ക ബ​ന്ധ​ങ്ങ​ൾ ശ​ക്തി​പ്പെ​ടു​ത്തു​ന്ന​തി​ൽ അ​തി​​ന്‍റെ പ​ങ്ക് എ​ടു​ത്തു​കാ​ണി​ക്കു​ന്നു. സാം​സ്​​കാ​രി​ക അ​വ​ബോ​ധം രൂ​പ​പ്പെ​ടു​ത്തു​ന്ന​തി​ലും അ​തി​നെ​ക്കു​റി​ച്ചു​ള്ള ചി​ന്ത പു​തു​ക്കു​ന്ന​തി​ലും അ​തി​നെ സം​ര​ക്ഷി​ക്കു​ന്ന​തി​ലും ഒ​രു പ്ര​ധാ​ന ഘ​ട​ക​മാ​ണ് സാം​സ്​​കാ​രി​ക പൈ​തൃ​ക​മെ​ന്നും ഖ​ത്ത​ർ സാം​സ്​​കാ​രി​ക മ​ന്ത്രി പ​റ​ഞ്ഞു.