2023 നവംബർ 21, 25 തീയതികളിൽ രാജ്യത്തെ ഏതാനം റോഡുകളിൽ ട്രക്കുകൾ നിരോധിച്ചതായി റോയൽ ഒമാൻ പോലീസ് ട്രാഫിക് വിഭാഗം അറിയിച്ചു. ഈ അറിയിപ്പ് പ്രകാരം, 2023 നവംബർ 21, നവംബർ 25 എന്നീ ദിവസങ്ങളിൽ റോഡിൽ ഏറ്റവും തിരക്ക് അനുഭവപ്പെടാനിടയുള്ള സമയങ്ങളിലാണ് ട്രക്കുകൾക്ക് നിരോധനം ഏർപ്പെടുത്തിയിരിക്കുന്നത്. ഗതാഗത കുരുക്ക് ഒഴിവാക്കുന്നതിനാണ് ഈ നടപടിയെന്ന് പോലീസ് അറിയിച്ചു.
تفاديًا لحدوث اختناقات مرورية.. يمنع مرور الشاحنات على الطُّرق الموضحة في المنشور المرفق..
— الإدارة العامة للمرور (@RopTraffic) November 20, 2023
فعلى سائقي الشاحنات التقيّد بما ورد خدمة للصالح العام. pic.twitter.com/RDKK7yADWE
ഈ അറിയിപ്പ് പ്രകാരം താഴെ പറയുന്ന റോഡുകളിലാണ് ഈ നിയന്ത്രണം ഏർപ്പെടുത്തുന്നത്:
മസ്‌കറ്റ് ഗവർണറേറ്റിലെ പ്രധാന റോഡുകളിൽ.
അൽ ദാഖിലിയ റോഡ് (മസ്‌കറ്റ് - ബിദ്ബിദ് ബ്രിഡ്ജ്)
അൽ ബതീന ഹൈവേ (മസ്‌കറ്റ് - ഷിനാസ്)
താഴെ പറയുന്ന പ്രകാരമാണ് മേൽപ്പറഞ്ഞ റോഡുകളിൽ ട്രക്കുകളുടെ നിയന്ത്രണം നടപ്പിലാക്കുന്നത്:
2023 നവംബർ 21, ചൊവ്വ - ഉച്ചയ്ക്ക് 12 മണിമുതൽ വൈകീട്ട് 4 മണിവരെ.
2023 നവംബർ 25, ശനി- വൈകീട്ട് 4 മണിമുതൽ രാത്രി 10 മണിവരെ.
ഈ ഉത്തരവ് കർശനമായി പാലിക്കാൻ ഒമാനിലെ ട്രക്ക് ഡ്രൈവർമാരോട് അധികൃതർ ആഹ്വാനം ചെയ്തിട്ടുണ്ട്.
