ഖരീഫ് സീസണിന്റെ ഭാഗമായി സലാലയിലെ അൽ നസീം വാട്ടർ പാർക്ക് പ്രവർത്തനം ആരംഭിച്ചു. ദോഫാർ മുനിസിപ്പാലിറ്റിയാണ് ഇക്കാര്യം അറിയിച്ചത്. ഈ വാട്ടർ പാർക്കിന്റെ പ്രവർത്തനം 2023 ജൂലൈ 31 മുതൽ ആരംഭിച്ചിട്ടുണ്ട്. ദോഫാർ ഗവർണറേറ്റിലെ ടൂറിസം മേഖലയ്ക്ക് കരുത്ത് പകരുന്നതാണ് ഈ പദ്ധതി.
സലാലയിലെ സഹേൽ അത്തിൻ മേഖലയിലാണ് ഈ പാർക്ക് പ്രവർത്തിക്കുന്നത്. ഏതാണ്ട് നാല്പതിനായിരം സ്‌ക്വയർ മീറ്റർ വിസ്തൃതിയുള്ള ഈ പാർക്ക് ദോഫാർ ഗവർണർ H.H. സയ്യിദ് മർവാൻ ബിൻ തുർക്കി അൽ സൈദിന്റെ സാന്നിധ്യത്തിലാണ് ഔദ്യോഗികമായി ഉദ്ഘാടനം ചെയ്തത്.
ഈ പാർക്കിന്റെ ആദ്യ ഘട്ടത്തിൽ സമഗ്രമായ ഒരു വാട്ടർ പാർക്കിന് ആവശ്യമായ സംവിധാനങ്ങളാണ് ഉൾപ്പെടുത്തിയിരിക്കുന്നത്. അടുത്ത രണ്ട് ഘട്ടങ്ങളിലായി ഒരു മിനിയേച്ചർ സൂ, റിക്രിയേഷനൽ ഗെയിംസ് എന്നിവ പാർക്കിൽ ആരംഭിക്കുന്നതാണ്.
بدء تشغيل حديقة النسيم المائية بصلالة وهي إحدى المشاريع السياحية البارزة التي من المؤمل منها أن تكون إضافة حقيقية في تنشيط السياحة وجوانب الترفيه في محافظة ظفار. pic.twitter.com/gonvM47zmw
— بلديـــة ظفــار (@DhofarMun) August 1, 2023
