'ആവശ്യപ്പെട്ട ഒന്നുപോലും ലഭിച്ചില്ല; കേ​ന്ദ്ര ബ​ജ​റ്റിൽ ക​ർ​ണാ​ട​ക​യോ​ട് അ​നീ​തി കാണിച്ചു': രൂക്ഷമായി വിമർശിച്ച് സിദ്ധരാമയ്യ

രാജ്യത്ത് ഏറ്റവും കൂടുതൽ നികുതിയൊടുക്കുന്ന ര​ണ്ടാ​മ​ത്തെ സം​സ്ഥാ​ന​മാ​ണ് ക​ർ​ണാ​ട​ക. എ​ന്നാ​ൽ, ബി​ഹാ​റി​ന് കൂ​ടു​ത​ൽ ഫ​ണ്ട് അ​നു​വ​ദി​ച്ചു. ആ​ന്ധ്ര​പ്ര​ദേ​ശി​ന് രാ​ഷ്ട്രീ​യ അ​ഡ്ജ​സ്റ്റ്മെ​ന്റി​ന്റെ ഭാ​ഗ​മാ​യി അ​ധി​ക വി​ഹി​തം ല​ഭി​ച്ചെന്നും സിദ്ധരാമയ്യ കുറ്റപ്പെടുത്തി.

മേ​ക്കേ​ദാ​ട്ടു, ഭ​ദ്ര അ​പ്പ​ർ ബാ​ങ്ക്, മ​ഹാ​ദാ​യി, കൃ​ഷ്ണ അ​പ്പ​ർ ബാ​ങ്ക് എ​ന്നി​വ​യു​ൾ​പ്പെ​ടെ നി​ർ​ണാ​യ​ക ജ​ല​സേ​ച​ന പ​ദ്ധ​തി​ക​ൾ​ക്ക് ഫ​ണ്ട​നു​വ​ദി​ച്ചി​ല്ല. കഴിഞ്ഞ ബ​ജ​റ്റി​ൽ ഭ​ദ്ര അ​പ്പ​ർ ബാ​ങ്ക് പ​ദ്ധ​തി​ക്ക് കേ​ന്ദ്രം 5300 കോ​ടി രൂ​പ വാ​ഗ്ദാ​നം ചെ​യ്തി​രു​ന്നു. എ​ന്നാ​ൽ, ഒ​രു​രൂ​പ​പോ​ലും അ​നു​വ​ദി​ച്ചി​ട്ടി​ല്ല.

റാ​യ്ച്ചൂ​രി​ൽ എ​യിം​സ് ആ​ശു​പ​ത്രി ബ​ജ​റ്റി​ൽ ഉ​ൾ​പ്പെ​ടു​ത്താ​ത്ത​തി​നെയും മു​ഖ്യ​മ​ന്ത്രി വി​മ​ർ​ശി​ച്ചു. ന​ഗ​ര​പ്ര​ദേ​ശ​ങ്ങ​ളി​ലെ ഭ​വ​ന​നി​ർ​മാ​ണ​ത്തി​ന് കേ​ന്ദ്രം 1.5 ല​ക്ഷം രൂ​പ​യാ​ണ് ന​ൽ​കു​ന്ന​ത്. ഈ തുക അ​ഞ്ചു ല​ക്ഷ​മാ​യി വ​ർ​ധി​പ്പി​ക്കാ​ൻ ആ​വ​ശ്യ​പ്പെ​ട്ടി​രു​ന്നു. പ​ക്ഷേ, പ​രി​ഗ​ണി​ച്ചി​ല്ല.

ഗ്രാ​മ​പ്ര​ദേ​ശ​ങ്ങ​ളി​ൽ മൂ​ന്നു ല​ക്ഷ​മാ​യി വ​ർ​ധി​പ്പി​ക്കാ​ൻ ആ​വ​ശ്യ​പ്പെ​ട്ടി​രു​ന്നു. അ​തും നി​ര​സി​ക്ക​പ്പെ​ട്ടു. മ​ഹാ​ത്മാ​ഗാ​ന്ധി ദേ​ശീ​യ ഗ്രാ​മീ​ണ തൊ​ഴി​ലു​റ​പ്പ് പ​ദ്ധ​തി വി​ഹി​തം ഈ ​വ​ർ​ഷം 86,000 കോ​ടി​യാ​യി കു​റ​ഞ്ഞ​താ​യും അ​ദ്ദേ​ഹം പറഞ്ഞു.