കുന്നത്തുനാട് എംഎൽഎ പി.വി.ശ്രീനിജനെ ജാതീയ അധിക്ഷേപം നടത്തിയെന്ന പരാതിയിൽ പൊലീസ് റജിസ്റ്റർ ചെയ്ത എഫ്‌ഐആർ റദ്ദാക്കണമെന്നാവശ്യപ്പെട്ടുള്ള സാബു എം.ജേക്കബിന്റെ ഹർജി പരിഗണിക്കുന്നതിൽ നിന്നു ജഡ്ജി പിൻമാറി. ജസ്റ്റിസ് എ.ബദറുദ്ദീനാണ് പിൻമാറിയത്.
................................
സ്ത്രീധന പീഡനത്തെ തുടർന്ന് വിസ്മയ ആത്മഹത്യ ചെയ്ത കേസിൽ ശിക്ഷ നിർത്തിവയ്ക്കണമെന്ന് ആവശ്യപ്പെട്ട് ഭർത്താവ് കിരൺ കുമാർ നൽകിയ ഹർജി ഹൈക്കോടതി തള്ളി. വിചാരണക്കോടതിയിൽ നൽകിയ അപ്പീലിൽ തീരുമാനമാവുന്നതുവരെ ശിക്ഷ നടപ്പാക്കുന്നതു നിർത്തിവയ്ക്കണമെന്നാണ് ഹർജിയിൽ ആവശ്യപ്പെട്ടിരുന്നത്
...................................
കേരള - കർണാടക തീരത്ത് തെക്ക് കിഴക്കൻ അറബിക്കടലിൽ പ്രവേശിച്ച 'മാൻദൗസ്'ചുഴലിക്കാറ്റിന്റെ ഭാഗമായ ചക്രവാതച്ചുഴി ന്യുനമർദ്ദമായി ശക്തി പ്രാപിച്ചു. പടിഞ്ഞാറു വടക്ക് പടിഞ്ഞാറു ദിശയിൽ സഞ്ചരിക്കുന്ന ന്യുനമർദ്ദം ഇന്ത്യൻ തീരത്ത് നിന്ന് അകന്നു അടുത്ത 2-3 ദിവസത്തിനുള്ളിൽ ദുർബലമാകാൻ സാധ്യതയെന്ന് കാലാവസ്ഥാ വകുപ്പ് അറിയിച്ചു.
......................................
ആണും പെണ്ണും തമ്മിൽ ഒരു വ്യത്യാസവുമില്ലാത്ത പെരുമാറ്റം സംസ്‌കാരത്തിന് വിരുദ്ധമെന്ന് സമസ്ത സെക്രട്ടറി ഉമർ ഫൈസി മുക്കം.മിക്‌സഡ് സ്‌കൂൾ വിഷയത്തിൽ അനുകൂല നിലപാടാണ് സർക്കാരിന്റേതെന്നും അത് സ്വാഗതാർഹമാണെന്നും സമസ്ത സെക്രട്ടറി പറഞ്ഞു.
.................................
അശ്ലീല വിഡിയോ നിർമിച്ചെന്ന കേസിൽ ബിസിനസുകാരൻ രാജ് കുന്ദ്ര, അഭിനേതാക്കളായ ഷെർലിൻ ചോപ്ര, പൂനം പാണ്ഡെ എന്നിവർക്ക് സുപ്രീം കോടതി മുൻകൂർ ജാമ്യം നൽകി. അന്വേഷണവുമായി പ്രതികൾ സഹകരിക്കണമെന്ന് ജസ്റ്റിസുമാരായ കെഎം ജോസഫ്, ബിവി നാഗരത്ന എന്നിവർ നിർദേശിച്ചു.
.................................
കഴിഞ്ഞ നാലു വർഷത്തിനിടെ രാജ്യത്തെ ബാങ്കുകൾ 8.5 ലക്ഷം കോടി രൂപ എഴുതിത്തള്ളിയതായി കേന്ദ്ര ധനമന്ത്രാലയത്തിന്റെ കണക്കുകൾ. സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) 1.65 ലക്ഷം കോടിയും പഞ്ചാബ് നാഷനൽ ബാങ്ക് (പിഎൻബി) 59,807 കോടിയും ഈ കാലയളവിനിടെ എഴുതിത്തള്ളി.
....................................
റഷ്യൻ മിസൈലുകളുടെയും റോക്കറ്റുകളുടെയും അവശിഷ്ടങ്ങൾ തെളിവായി ശേഖരിച്ച് യുക്രെയ്ൻ . ഭാവിയിൽ യുദ്ധക്കുറ്റങ്ങൾ സംബന്ധിച്ച കോടതി നടപടികളിൽ ഉപയോഗപ്പെടുത്താനാണ് ഈ നീക്കം.
........................................
ഊർജോൽപ്പാദനത്തിനുള്ള അണുസംയോജന സാങ്കേതിക വികസിപ്പിച്ച് അമേരിക്കൻ ശാസ്ത്രജ്ഞൻ. കാലിഫോർണിയയിലെ ലോറൻസ് ലിവർമോർ നാഷനൽ ലാബോറട്ടറിയിലെ ശാസ്ത്രജ്ഞരാണ് ഈ നേട്ടത്തിന് പിന്നിലെന്ന് സിഎൻഎൻ റിപ്പോർട്ട് ചെയ്യുന്നു.
...................................
തന്റെ അമ്മയുമായി രഹസ്യബന്ധമുണ്ടെന്ന സംശയത്തിൽ അയൽക്കാരനെ കമ്പി വടികൊണ്ട് തലയ്ക്കടിച്ച് കൊലപ്പെടുത്തിയ കേസിൽ യുവാവ് അറസ്റ്റിൽ. ഉത്തർപ്രദേശിലെ സാഹിബബാദ് സ്വദേശി സുരാജിനെയാണ് അയൽക്കാരനായ രാജ്കുമാറിനെ കൊലപ്പെടുത്തിയ കേസിൽ പോലീസ് അറസ്റ്റ് ചെയ്തത്.
......................................
ക്ഷേത്ര സന്ദർശനത്തിനെത്തിയ തമിഴ്നാട് മുഖ്യമന്ത്രി എംകെ സ്റ്റാലിന്റെ ഭാര്യയ്ക്ക് മഴയിൽനിന്നു രക്ഷപ്പെടാൻ അമ്പലത്തിലെ മുത്തുക്കുട ചൂടിയതിനെച്ചൊല്ലി വിവാദം. സ്റ്റാലിന്റെ ഭാര്യ ദുർഗ ചെന്നൈയ്ക്കടുത്ത് തിരുവട്ടിയൂർ ത്യാഗരാജ സ്വാമിക്ഷേത്ര ദർശനത്തിനെത്തിയപ്പോഴാണ് സംഭവം.
