ദേശീയ അസംബ്ലി തെരഞ്ഞെടുപ്പിനുള്ള നാമനിർദേശപത്രിക സമർപ്പിക്കാനുള്ള സമയപരിധി അവസാനിച്ചു. അവസാന ദിവസമായ ബുധനാഴ്ച 37 സ്ഥാനാർഥികൾ ആഭ്യന്തര മന്ത്രാലയത്തിന്റെ തെരഞ്ഞെടുപ്പുകാര്യ വകുപ്പിൽ നാമനിർദേശത്തിനായി അപേക്ഷ സമർപ്പിച്ചു. ഇതോടെ മൊത്തം സ്ഥാനാർഥികളുടെ എണ്ണം 14 സ്ത്രീകളടക്കം 255 ആയി.
ഒന്നാം മണ്ഡലത്തിൽനിന്ന് ഒരു വനിതയടക്കം എട്ട് പേരും, രണ്ടാം മണ്ഡലത്തിൽനിന്ന് രണ്ടു വനിതകളടക്കം ഏഴ് പേരും, മൂന്നാം മണ്ഡലത്തിൽനിന്ന് രണ്ടു വനിതകളടക്കം അഞ്ച് പേരും, നാലാം മണ്ഡലത്തിൽനിന്ന് ഒരു വനിതയടക്കം 10 പേരും, അഞ്ചാം മണ്ഡലത്തിൽനിന്ന് ഒരു വനിതയടക്കം ആറ് പേരും പത്രിക സമർപ്പിച്ചിട്ടുണ്ട്.
ഒരു മണ്ഡലത്തിൽ നിന്ന് പത്ത് എന്ന നിലയിൽ രാജ്യത്തെ അഞ്ചു മണ്ഡലങ്ങളിൽ നിന്നായി 50 പേരെയാണ് ദേശീയ അസംബ്ലിയിലേക്ക് തെരഞ്ഞെടുക്കുക. ഏപ്രിൽ നാലിനാണ് തെരഞ്ഞെടുപ്പ്.
