ന്യൂനപക്ഷ കമീഷൻ വാട്​സ്​ആപ്പിലൂടെ പരാതി സ്വീകരിക്കുന്നതിന് തുടക്കംകുറിച്ചു

സംസ്ഥാന ന്യൂനപക്ഷ കമീഷൻ വാട്​സ്​ആപ്പിലൂടെ പരാതി സ്വീകരിക്കുന്നതിന് തുടക്കംകുറിച്ചു. കേരളപ്പിറവി ദിനത്തിൽ കേരള ന്യൂനപക്ഷ ക്ഷേമ വകുപ്പ് ഡയറക്ടർ ഡോ. രേണുരാജ് വാട്​സ്​ആപ്പിലൂടെ ആദ്യ പരാതി സ്വീകരിച്ചു. പരാതി സ്വീകരിക്കുന്ന വാട്​സ്​ആപ്​ നമ്പർ: 9746515133.

ഡോ. രേണുരാജ് ഉദ്ഘാടനം ചെയ്തു. കമീഷൻ ചെയർമാൻ അഡ്വ. എ.എ. റഷീദ് അധ്യക്ഷത വഹിച്ചു. അംഗങ്ങളായ എ. സൈഫുദ്ദീൻ ഹാജി, പി. റോസ, മെംബർ സെക്രട്ടറി നിസാർ എച്ച്, രജിസ്ട്രാർ ഗീത എസ് എന്നിവർ സംസാരിച്ചു. ന്യൂനപക്ഷ സംഘടന നേതാക്കൾ പ​ങ്കെടുത്തു.