ഏക സിവിൽ കോഡിനെതിരായ സിപിഐഎം സെമിനാർ; മുസ്ലീം ലീഗിനെ ക്ഷണിച്ചതിൽ അതൃപ്തി പ്രകടിപ്പിച്ച് സി.പി.ഐ

ഏക സിവിൽകോഡിനെതിരായ സി.പി.ഐ.എം സെമിനാറിലേക്ക് മുസ്ലീം ലീഗിനെ ക്ഷണിച്ചതിലാണ് സി പി ഐ അതൃപ്തി പ്രകടിപ്പിച്ചത്. നിയമത്തിന്റെ കരട് പോലും ആകുന്നതിനു മുൻപ് നടക്കുന്ന ചർച്ചകൾ അനാവശ്യമെന്നാണ് സി.പി.ഐയുടെ നിലപാട്. ലീഗിനുള്ള ക്ഷണവും തുടർന്നുണ്ടായ വിവാദങ്ങളും ഒഴിവാക്കാമായിരുന്നുവെന്നും പാർട്ടി വിലയിരുത്തുന്നു. ഈ ആഴ്ച അവസാനം ചേരുന്ന ദേശീയ നേതൃ യോഗത്തിലെ ചർച്ചകൾക്കു ശേഷമായിരിക്കും സിപിഐയുടെ നിലപാട് പ്രഖ്യാപനം.