Begin typing your search...
ആലപ്പുഴ തായങ്കരിയിൽ കാറ് കത്തിയ സംഭവം; മരിച്ചത് കാർ ഉടമ ജയിംസ് ജോർജ് കുട്ടി
![ആലപ്പുഴ തായങ്കരിയിൽ കാറ് കത്തിയ സംഭവം; മരിച്ചത് കാർ ഉടമ ജയിംസ് ജോർജ് കുട്ടി ആലപ്പുഴ തായങ്കരിയിൽ കാറ് കത്തിയ സംഭവം; മരിച്ചത് കാർ ഉടമ ജയിംസ് ജോർജ് കുട്ടി](https://news.radiokeralam.com/h-upload/2023/07/22/376613-car-burned-alappuzha-16900034444x3.avif)
ആലപ്പുഴ എടത്വ തായങ്കരിയിൽ ഇന്നു പുലർച്ചെ കാർ കത്തി മരിച്ചത് കാർ ഉടമയായ എടത്വ മാമ്മൂട്ടിൽ ജയിംസ്കുട്ടി ജോർജ് (49) തന്നെയാണെന്ന് സ്ഥിരീകരിച്ചു. കത്തിയ മൃതദേഹ അവശിഷ്ടങ്ങൾക്കിടയിൽ നിന്നു ലഭിച്ച സൂചനകളുടെ അടിസ്ഥാനത്തിലാണ് മരിച്ചത് ജയിംസ്കുട്ടിയാണെന്ന് സ്ഥിരീകരിച്ചത്. ഇയാളുടെ കൈയ്ക്ക് ഒടിവുണ്ടായതിനെ തുടർന്ന് ഇട്ടിരുന്ന കമ്പി വീട്ടുകാർ തിരിച്ചറിഞ്ഞു. ഇയാളുടെ സംസ്കാരം എടത്വ സെന്റ് ജോർജ് ഫൊറോനാ പള്ളിയിൽ നടന്നു. കാറിനുള്ളിൽ കയറി ജയിംസ് കുട്ടി പെട്രോൾ ഒഴിച്ച് തീ കൊളുത്തുകയായിരുന്നുവെന്നാണ് പൊലീസ് നൽകുന്ന വിവരം. കുടുംബ പ്രശ്നങ്ങളാണ് ആത്മഹത്യയ്ക്കു കാരണമെന്നാണ് വിവരം. രോഗ ബാധിതനായിരുന്ന ജയിംസ്കുട്ടി മദ്യപിച്ച് വീട്ടുകാരുമായി വഴക്കിടുന്നത് പതിവായിരുന്നുവെന്നും പറയുന്നു.
Next Story