കൊങ്കണ്വഴിയുള്ള തീവണ്ടികള്ക്ക് സമയമാറ്റം; ഇന്ന് മുതല് പുതിയ സമയക്രമം നിലവില്വരും
![കൊങ്കണ്വഴിയുള്ള തീവണ്ടികള്ക്ക് സമയമാറ്റം; ഇന്ന് മുതല് പുതിയ സമയക്രമം നിലവില്വരും കൊങ്കണ്വഴിയുള്ള തീവണ്ടികള്ക്ക് സമയമാറ്റം; ഇന്ന് മുതല് പുതിയ സമയക്രമം നിലവില്വരും](https://news.radiokeralam.com/h-upload/2023/11/01/380218-train.webp)
മണ്സൂണിനുശേഷമുള്ള കൊങ്കണ്വഴിയുള്ള തീവണ്ടികള്ക്ക് സമയമാറ്റം ഇന്ന് മുതല് നിലവില്വരും. ഈ സമയക്രമം 2024 ജൂണ് പകുതിവരെ തുടരും. ഹസ്രത്ത് നിസാമുദീന്-തിരുവനന്തപുരം രാജധാനി എക്സ്പ്രസ് ഞായര്, ചൊവ്വ, ബുധന് ദിവസങ്ങളില് ഡല്ഹിയില്നിന്ന് രാവിലെ 6.16-ന് പുറപ്പെടും. വ്യാഴം, ശനി, ഞായര് ദിവസങ്ങളില് ഉച്ചയ്ക്ക് 12.30-ന് തിരുവനന്തപുരത്തെത്തും.
മടക്കയാത്രയില് തിരുവനന്തപുരത്തുനിന്ന് ചൊവ്വ, വ്യാഴം, വെള്ളി ദിവസങ്ങളില് രാത്രി 7.15-ന് പുറപ്പെടുന്ന തീവണ്ടി തിങ്കള്, ബുധന്, വ്യാഴം ദിവസങ്ങളില് രാത്രി 11.35-ന് ഡല്ഹിയിലെത്തും.
ഹസ്രത്ത് നിസാമുദീന്-എറണാകുളം പ്രതിവാര തുരന്തോ എക്സ്പ്രസ് ശനിയാഴ്ചകളില് ഡല്ഹിയില്നിന്ന് രാത്രി 9.40-ന് പുറപ്പെടും. വ്യാഴാഴ്ചകളില് വൈകീട്ട് 5.20-ന് തിരുവനന്തപുരത്തെത്തും. മടക്കയാത്രയില് ചൊവ്വാഴ്ചകളില് രാത്രി 11.25-ന് എറണാകുളത്തുനിന്നും പുറപ്പെടുന്ന തീവണ്ടി തിങ്കളാഴ്ച ഉച്ചയ്ക്ക് 2.30-ന് ഡല്ഹിയിലെത്തും.
വെരാവല്-തിരുവനന്തപുരം-വെരാവല് പ്രതിവാര എക്സ്പ്രസ് വെരാവലില്നിന്നും വ്യാഴാഴ്ചകളില് രാവിലെ 6.30-ന് പുറപ്പെട്ട് ബുധനാഴ്ചകളില് ഉച്ചയ്ക്ക് 3.55-ന് തിരുവനന്തപുരത്തെത്തും.