എലത്തൂരിൽ മരിച്ചവരുടെ വീട് മുഖ്യമന്ത്രി സന്ദർശിച്ചു

എലത്തൂരിൽ ട്രെയിനിന് തീവെച്ചതിനെ തുടർന്ന് മരിച്ചവരുടെ വീട് മുഖ്യമന്ത്രി പിണറായി വിജയൻ സന്ദർശിച്ചു. മട്ടന്നൂർ പാലോട്ട് പള്ളി സ്വദേശി റഹ്മത്ത്, ചിത്രാരി സ്വദേശി നൗഫീഖ് എന്നിവരുടെ വീടുകളാണ് മുഖ്യമന്ത്രി സന്ദർശിച്ചത്. സംസ്ഥാന സർക്കാർ പ്രഖ്യാപിച്ച ധനസഹായവും മുഖ്യമന്ത്രിയുടെ സാന്നിധ്യത്തിൽ ജില്ലാ കളക്ടർ കുടുംബങ്ങൾക്ക് കൈമാറി.

ഇതിനു ശേഷം മുഖ്യമന്ത്രിയുമായി തീവെപ്പ് കേസിലെ അന്വേഷണ സംഘം കൂടിക്കാഴ്ച നടത്തി. എഡിജിപി എം ആർ അജിത് കുമാർ, റെയ്ഞ്ച് ഐ.ജി നീരജ് കുമാർ ഗുപ്ത എന്നിവരാണ് മുഖ്യമന്ത്രിയെ കണ്ടത്. അന്വേഷണത്തിന്റെ സ്ഥിതി വിവരങ്ങൾ അന്വേഷണ സംഘം മുഖ്യമന്ത്രിയെ ധരിപ്പിച്ചു.