വനിത നിർമാതാവിന്‍റെ പരാതിയിൽ നിർമാതാക്കളുടെ സംഘടന കുറ്റാരോപിതർക്കൊപ്പമെന്ന് ഡബ്ല്യു.സി.സി

വനിത നിർമാതാവിന്‍റെ പരാതിയിൽ നിർമാതാക്കളുടെ സംഘടനക്കെതിരെ ഡബ്ല്യു.സി.സി രം​ഗത്ത്. പരാതി ഗുരുതരവും ആശങ്കാജനകവുമാണെന്നാണ് ഡബ്ല്യു.സി.സി പറയുന്നത്. മാത്രമല്ല ദുഷ്പ്രവണതകൾക്കെതിരെ ശബ്ദമുയർത്തിയ വനിത നിർമാതാവിന് പൂർണമായ ഐക്യദാർഢ്യം അറിയിക്കുന്നതായും വ്യക്തമാക്കി.

പരാതികൾ ഉന്നയിക്കപ്പെട്ടപ്പെട്ടിരിക്കുന്നത് സംഘടന നേതാക്കളെ കുറിച്ചാണെന്നും അവരിപ്പോഴും സംഘടനയുടെ തലപ്പത്തിരുന്നു കൊണ്ടാണ് കേസ് കൈകാര്യം ചെയ്യുന്നതെന്നും ഡബ്ല്യു.സി.സി വ്യക്തമാക്കി. സംഘടന ഈ കാര്യത്തിൽ കുറ്റാരോപിതർക്കൊപ്പമാണ് നിൽക്കുന്നത് എന്നതിൻ്റെ തെളിവുകൂടിയാണിതെന്നും ഡബ്ല്യു.സി.സി ആരോപിച്ചു.