കരുവന്നൂ‍ർ‌ കേസ്: ബിജോയ് മുഖ്യപ്രതി, പി ആർ അരവിന്ദാക്ഷൻ 14ാം പ്രതി; കുറ്റപത്രം സമ‍ർപ്പിച്ചു

കരുവന്നൂർ കള്ളപ്പണ ഇടപാട് കേസിൽ എൻഫോഴ്‌സ്‌മെന്റ് ഡയറക്ടറേറ്റിന്റെ ആദ്യ കുറ്റപത്രം സമർപ്പിച്ചു. ആറ് വലിയ പെട്ടികളിലാക്കിയെത്തിച്ച 12,000 ത്തോളം പേജുകൾ ഉള്ള കുറ്റപത്രമാണ് സമർപ്പിച്ചത്. 90 കോടിയുടെ കള്ളപ്പണ ഇടപാട് നടന്നെന്നാണ് കുറ്റപത്രത്തിൽ പറയുന്നത്. ബിജോയിയാണ് കേസിലെ മുഖ്യപ്രതി. ഒന്നാം പ്രതിയായി കണക്കാക്കിയിരുന്ന സതീഷ് കുമാറിനെ 13ാം പ്രതിയാക്കി എന്നതാണ് കുറ്റപത്രം സമർപ്പിക്കുമ്പോൾ കണക്കിലെടുക്കേണ്ട പ്രധാനമാറ്റം. പിആർ അരവിന്ദാക്ഷൻ 14ാം പ്രതിയാണ്.