മലപ്പുറത്ത് യുവതിയെ കൂട്ടബലാത്സംഗം ചെയ്തതായി പരാതി

മലപ്പുറം വളാഞ്ചേരിയിൽ യുവതിയെ കൂട്ടബലാത്സംഗം ചെയ്തതായി പരാതി. മൂന്ന് ദിവസം മുമ്പ് രാത്രിയിൽ വീട്ടിൽ അതിക്രമിച്ച് കടന്ന മൂന്നംഗ സംഘം ബലാത്സംഗം ചെയ്‌തെന്നാണ് യുവതി നൽകിയിരിക്കുന്ന പരാതി. സംഭവത്തിന് ശേഷം കടുത്ത മാനസിക സമ്മർദത്തിലായിരുന്ന യുവതിയോട് സുഹൃത്തുക്കൾ വിവരങ്ങൾ ചോദിച്ചറിഞ്ഞതോടെയാണ് സംഭവ വിവരം പുറത്തറിഞ്ഞത്. പിന്നീട് സുഹൃത്തുക്കൾ തന്നെയാണ് വിഷയം പോലീസിൽ അറിയിച്ചതും.

യുവതിയെ ആശുപത്രിയിൽപ്രവേശിപ്പിച്ചു. പരാതിയിൽ വളാഞ്ചേരി പോലീസ് കേസെടുത്തു നടത്തിയ പ്രാഥമിക അന്വേഷണത്തിൽ സംഭവം സ്ഥിരീകരിച്ചു. കൂടാതെ സംഭവത്തിൽ രണ്ടു പേർ പിടിയിലായതായാണ് സൂചന. മറ്റൊരാൾക്കു വേണ്ടി തിരച്ചിൽ തുടരുകയാണ്. സംഭവത്തെ കുറിച്ചുള്ള കൂടുതൽ വിവരങ്ങൾ ലഭിച്ചതിന് ശേഷം അറസ്റ്റിലേക്ക് കടക്കുമെന്ന് അധികൃതർ വ്യക്തമാക്കി.