Begin typing your search...
അമേരിക്കന്‍ പ്രസിഡന്റ് ഇലക്ഷനായുള്ള റിപ്പബ്ലിക്കന്‍ പ്രൈമറി തെരഞ്ഞെടുപ്പുകളില്‍ മുന്‍ പ്രസിഡന്റ് ഡൊണള്‍ഡ് ട്രംപിന്റെ അപരാജിത കുതിപ്പിന് വിരാമം.
വാഷിങ്ടണ്‍ ഡിസി പ്രൈമറിയിലേക്ക് നടന്ന വോട്ടെടുപ്പില്‍ ഇന്ത്യന്‍ വംശജയും യുഎന്‍ മുന്‍ അംബാസഡറുമായ നിക്കി ഹാലെയ്ക്ക് വിജയം.നിക്കി ഹാലെയുടെ ആദ്യ പ്രൈമറി വിജയമാണിത്. 62.9 ശതമാനം വോട്ടുകള്‍ ഹാലെ നേടി. ട്രംപിന് 33.2 ശതമാനം വോട്ടുകള്‍ മാത്രമാണ് ലഭിച്ചത്. ഹാലെയ്ക്ക് 19 പ്രതിനിധികളെ വിജയിപ്പിക്കാന്‍ കഴിഞ്ഞു.
ഇതിന് മുമ്പ് നടന്ന എട്ട് പ്രൈമറികളിലും ഡോണള്‍ഡ് ട്രംപ് പാര്‍ട്ടിയിലെ എതിരാളിയായ നിക്കി ഹാലെക്കെതിരെ മികച്ച വിജയം കരസ്ഥമാക്കിയിരുന്നു. ഡെമോക്രാറ്റിക് പാര്‍ട്ടിയുടെ വാഷിങ്ടണ്‍ പ്രൈമറി ജൂണ്‍ മാസത്തില്‍ നടക്കും.
Next Story
