നടി ഛവി മിത്തൽ തന്റെ മകൻ അർഹാമിന്റെ ചുണ്ടിൽ ചുംബിക്കുന്നതിൻറെ ചിത്രങ്ങൾ പങ്കുവച്ചതോടെ കമൻറുകളിലൂടെ ഒരു സംഘം ഇവർക്കെതിരെ തിരിഞ്ഞിരുന്നു. ചിലർ ഇത് തീർത്തും അനുചിതമെന്ന് വിശേഷിപ്പിച്ചു, ചിലർ ഇതിനെ ബാലപീഡനം എന്ന് വിശേഷിപ്പിക്കുന്ന പരിധി വരെ പോയി. മുൻകാലങ്ങളിൽ, അഭിനേതാക്കളായ ഷാരൂഖ് ഖാൻ, ഐശ്വര്യ റായ് ബച്ചൻ, സെയ്ഫ് അലി ഖാൻ, ആയിഷ ടാകിയ ആസ്മി എന്നിവരും നടി ഹിലാരി ഡഫ്, മുൻ ഗായിക വിക്ടോറിയ ബെക്കാം തുടങ്ങിയ പാശ്ചാത്യ രാജ്യങ്ങളിലെ പ്രമുഖരും സമാനമായ ആക്രമണങ്ങൾ നേരിട്ടിട്ടുണ്ട്. ഈ പ്രശ്‌നത്തെക്കുറിച്ച് ചില വിദഗ്ധരുടെഅഭിപ്രായങ്ങളോടൊപ്പം അതിനെ ചുറ്റിപ്പറ്റിയുള്ള സാമൂഹികവും മാനസികവുമായ കാര്യങ്ങൾ പരിശോധിക്കുകയും ചെയ്യുകയാണിവിടെ.
സ്വന്തം മകൻ അർഹാമിനെ ചുണ്ടിൽ ചുംബിക്കുന്ന ചിത്രമാണ് ഛവി മിത്തൽ പോസ്റ്റ് ചെയ്തത്. ഉചിതമോ അല്ലയോ
മാതാപിതാക്കളുടെ ആലിംഗനങ്ങളും ചുംബനങ്ങളും പോലുള്ള സ്നേഹപ്രകടനങ്ങൾ കുട്ടികൾക്ക് സുരക്ഷിതത്വവും സ്നേഹവും തോന്നാൻ സഹായകരമാണെങ്കിലും, അത് ചിലപ്പോൾ കുട്ടിക്ക് വ്യക്തിപരമായ അതിർവരമ്പുകളെക്കുറിച്ച് ആശയക്കുഴപ്പമുണ്ടാക്കുകയും ഈ പ്രവൃത്തികൾ എളുപ്പത്തിൽ പരിശീലിക്കാവുന്ന സ്‌നേഹപ്രകടങ്ങളിലൊന്നായി തെറ്റിദ്ധരിപ്പിക്കുകയും ചെയ്യുമെന്ന് സൈക്കോളജിസ്റ്റ് ഡോ. ദിവ്യ സിംഗ് അഭിപ്രായപ്പെടുന്നു.
താൻ തന്റെ കുഞ്ഞിനെ ചുണ്ടിൽ ചുംബിക്കാറില്ല, എന്നാൽ മറ്റ് രക്ഷിതാക്കൾ അവരുടെ കുട്ടികളുമായി ഇത് ചെയ്യാൻ ആഗ്രഹിക്കുന്നുവെങ്കിൽ അത് കുഴപ്പമില്ലെന്ന് എനിക്ക് തോന്നുന്നു. ''ഓരോ അമ്മയ്ക്കും വ്യത്യസ്തമായ സ്‌നേഹ പ്രകടനരീതികളുണ്ട്, അത് പലതും ശുദ്ധവുമാണ്. എന്റെ കുട്ടിയെ കെട്ടിപ്പിടിക്കാനും തലോടാനും വാത്സല്യം പ്രകടിപ്പിക്കാനും ഞാൻ ഇഷ്ടപ്പെടുന്നു,ഡോ. ദിവ്യ സിംഗ് പറയുന്നു.
കുട്ടികളുടെ ചുണ്ടിൽ ചുംബിക്കുന്നത് ഉചിതമാണോ അല്ലയോ എന്നത് വളരെ ആത്മനിഷ്ഠമായ കാര്യമാണെന്ന് എൻജിഒയുടെ ആക്ടിവിസ്റ്റും സച്ചി സഹേലിയുടെ സ്ഥാപകയുമായ ഡോ സുർഭി സിംഗ് ഉറപ്പിച്ചു പറയുന്നു.
''ചിലർ ഇത് ശരിയാണെന്ന് കണ്ടെത്തിയേക്കാം, മറ്റുള്ളവർ അതിനെ അനുചിതമെന്ന് വിളിച്ചേക്കാം. ഇത് പറയുമ്പോൾ, ഒരു കുട്ടിയോട് അമ്മയും അച്ഛനും പുലർത്തുന്ന സ്‌നേഹമാണ് ഏറ്റവും പ്രധാനമെന്ന് എനിക്ക് തോന്നുന്നു. പിതാവ് കുട്ടിയെ ലൈംഗികമായി പീഡിപ്പിക്കുന്ന കേസുകൾ ഇടയ്ക്കിടെ കേൾക്കുന്നതായി എനിക്കറിയാം, എന്നാൽ അത്തരം കേസുകൾ നൂറിലോ ആയിരത്തിലോ ഒന്നാണ്. മാതാപിതാക്കളെ പോലും നിങ്ങൾ വിശ്വസിക്കുന്നില്ലെങ്കിൽ മറ്റാരെയാണ് വിശ്വസിക്കുക. ഒരു രക്ഷിതാവും കുട്ടിയും പങ്കിടുന്ന ബന്ധത്തെ നമുക്ക് ചോദ്യം ചെയ്യാനാവില്ല. ഓരോ അച്ഛനും ഒരു പീഡകനാണെന്നും ഓരോ അമ്മയുടെ സ്നേഹവും ലൈംഗികമാണെന്നും നമുക്ക് ചിന്തിക്കാൻ കഴിയില്ല. നിങ്ങളുടെ സമീപനത്തിൽ ഞങ്ങൾ പോസിറ്റീവ് ആയിരിക്കണം, ''അവർ പങ്കുവെക്കുന്നു.
മാതാപിതാക്കളുടെ സ്നേഹപ്രവൃത്തിയും അത് സോഷ്യൽ മീഡിയയിൽ പങ്കുവെക്കുന്നതും വലിയ പ്രശ്നങ്ങളിലേക്ക് എങ്ങനെ നയിക്കുമെന്ന് കൺസൾട്ടന്റ് സൈക്കോളജിസ്റ്റ് ഡോ.പ്രജ്ഞാ ലോധ എടുത്തുകാണിക്കുന്നു. 'നമ്മുടെ സമൂഹം നിരവധി സാമൂഹിക-സാമ്പത്തിക ക്ലാസുകളായി തിരിച്ചിരിക്കുന്നു, ഒരാൾക്ക് 'അനുയോജ്യമായത്' മറ്റൊരാൾക്ക് 'സംസ്‌കാരരഹിതം' ആകാം. കുട്ടി യഥാർത്ഥ ലോകത്തേക്ക് കടക്കുമ്പോൾ കടുത്ത പരാമർശങ്ങൾ നേരിടാനുള്ള സാധ്യത ഇത് വർദ്ധിപ്പിക്കുന്നു. അതിനാൽ കുട്ടികളെ സോഷ്യൽ മീഡിയയിൽ പോസ്റ്റ് ചെയ്യുന്നത് ശരിയല്ലാത്ത രക്ഷിതാക്കൾ ഇത്തരം സാഹചര്യങ്ങൾ നേരിടാൻ തയ്യാറാവുകയും സമപ്രായക്കാരിൽ നിന്നുള്ള ഏതെങ്കിലും തരത്തിലുള്ള ഉപദ്രവമോ ഭീഷണിയോ സംഭവിക്കുകയാണെങ്കിൽ നേരിടാൻ കുട്ടിയെ സജ്ജരാക്കുകയും വേണം,'' ലോധ പറയുന്നു. കോളേജിലെയും സ്‌കൂളിലെയും സജ്ജീകരണങ്ങൾ കാരണം കുട്ടിയെ ഭീഷണിപ്പെടുത്തുന്നതും ഉപദ്രവിക്കപ്പെടുന്നതും ഇന്നത്തെ കാലത്ത് വളരെ സാധാരണമായിരിക്കുന്നതെങ്ങനെയെന്ന് അവർ ചൂണ്ടിക്കാട്ടുന്നു.
കുട്ടിയുടെ സ്വകാര്യത ഹനിക്കപ്പെടുമെന്ന ചോദ്യം അവശേഷിക്കുന്നു. ഒരു പ്രത്യേക രീതിയിൽ അഭിനയിക്കുന്നതിനോ ഇതുപോലുള്ള ഫോട്ടോകൾ പോസ്റ്റ് ചെയ്യുന്നതിനോ മുമ്പായി കുട്ടികളുടെ സമ്മതം വാങ്ങേണ്ടതുണ്ടോ?
പ്രായപൂർത്തിയാകാത്ത കുട്ടിയുടെ ചിത്രങ്ങളാണ് പോസ്റ്റ് ചെയ്യുന്നതെങ്കിൽ സമ്മതത്തിന്റെ ചോദ്യം ഉയരുന്നില്ലെന്ന് ഡോ ലോധ പറയുന്നു. സമ്മതം ഉണ്ടായിരിക്കണം, എന്നാൽ അടുപ്പമുള്ള ബന്ധങ്ങളിൽ, പ്രത്യേകിച്ച് ഒരു കുട്ടിയും രക്ഷിതാവും തമ്മിലുള്ള ബന്ധങ്ങളിൽ, അത് സ്വയമേവ സമ്മതമായി കണക്കാക്കും.
ഒരു കുട്ടിക്ക് അസ്വസ്ഥത പ്രകടിപ്പിക്കുന്നത് ബുദ്ധിമുട്ടാണെന്ന് വാദിക്കാം - ഈ സാഹചര്യത്തിൽ, ചുംബിക്കുന്നതും ഓൺലൈനിൽ ചിത്രങ്ങൾ പോസ്റ്റ് ചെയ്യുന്നതും അപകടകരമാകുന്നു.
''മാതാപിതാക്കളെന്ന നിലയിൽ, നമ്മൾ സ്നേഹത്താൽ എന്തു ചെയ്താലും, നമ്മുടെ കുട്ടിക്ക് അതിൽ സുഖം തോന്നുമെന്ന് ഞങ്ങൾ കരുതുന്നു. സമ്മതം വാങ്ങാൻ ഞങ്ങൾ മെനക്കെടാറില്ല,'' സാമൂഹിക പ്രവർത്തക പല്ലബി ഘോഷ് പറയുന്നു, ''ഇത്തരം പ്രവൃത്തികൾ ശാരീരിക പീഡനത്തിന് കീഴിൽ വരില്ല, പക്ഷേ ഇത് തീർച്ചയായും മാനസിക പീഡനമാണ്, അവിടെ നിങ്ങൾ ആഗ്രഹിക്കുന്ന കാര്യങ്ങൾ കുട്ടിയെ ചെയ്യാൻ പ്രേരിപ്പിക്കുന്നു.''
ഇതിനിടയിൽ, മിത്തൽ എങ്ങനെ കുട്ടിയുടെ സമ്മതം വാങ്ങുകയും അംഗീകരിക്കുകയും ചെയ്യുന്നു എന്ന് വിശദീകരിക്കുന്നു. ''ഞാൻ എന്റെ മകൻ അർഹാമിനോടൊപ്പമുള്ള ചിത്രങ്ങൾ പോസ്റ്റ് ചെയ്യുന്നു, ശരി , പക്ഷേ എന്റെ മകൾ ആരീസയല്ല ഇവിടെ കഥാ പാത്രം. സുഖമില്ലാത്തതിനാൽ അവൾ അക്കാര്യത്തിൽ എന്നെ തടയുക തന്നെ ചെയ്യും. അവൾക്ക് 10 വയസ്സ് മാത്രമേയുള്ളൂ, അവളുടെ സ്വഭാവത്തെയും അവളുടെ വികാരങ്ങളെയും ഞാൻ മാനിക്കുന്നു. മാത്രമല്ല നിങ്ങളുടെ വീഡിയോകളുടെയോ സോഷ്യൽ മീഡിയയുടെയോ ഭാഗമാകാൻ ഞാൻ ആഗ്രഹിക്കുന്നില്ല എന്ന് അർഹാം മുതിർന്നവരെപ്പോലെ പറയുകയാണെങ്കിൽ, അവന്റെ വികാരങ്ങളെ മാനിക്കുന്നതിൽ എനിക്ക് സന്തോഷമുണ്ട്. പക്ഷേ കുട്ടികളുമായുള്ള എന്റെ സമവാക്യം എനിക്കറിയാം. അതിർവരമ്പുകൾ ലംഘിക്കാൻ ഞാനാഗ്രഹിക്കുന്നില്ല.
