ബേബി കോൺ ഉപയോഗിച്ച് പല വിഭവങ്ങളും നാം തയ്യറാക്കാറുണ്ട്. എന്നാൽ ഇത് ഫ്രൈ ചെയ്ത് കഴിച്ചിട്ടുണ്ടോ? നാലുമണി ചായയ്ക്കൊപ്പം ബേബി കോൺ കൊണ്ട് രുചികരമായ ഒരു സ്നാക്ക് ആയാലോ? ഈ ബേബി കോൺ ഫ്രൈ എങ്ങനെ എളുപ്പത്തിൽ ഉണ്ടാക്കാമെന്ന് നോക്കാം.
ഒരു പാനിൽ വെള്ളമൊഴിച്ച് അതിൽ ബേബി കോൺ ചേർത്ത് തിളപ്പിക്കുക. ഇവ നടുവേ മുറിച്ചിടാം. കുറഞ്ഞത് അഞ്ച് മിനിറ്റെങ്കിലും തിളപ്പിക്കണം. ബേബി കോൺ മൃദുലമായി വരുമ്പോൾ വെള്ളത്തിൽ നിന്ന് നീക്കി, ഇതി മുളക് പൊടിയും ഉപ്പും ചേർത്ത് ഇളക്കുക.
മറ്റൊരു പാത്രത്തിൽ 1:1 എന്ന അനുപാതത്തിൽ മൈദയും റവയും മിക്സ് ചെയ്യുക. ഇതിലേയ്ക്ക് ഉപ്പ്, മുളക് പൊടി, ആവശ്യത്തിന് വെള്ളം എന്നിവ ചേർത്ത് നല്ല കട്ടിയുള്ള മാവ് തയ്യാറാക്കുക. മുളക് പൊടി പുരട്ടി വെച്ച ബേബി കോൺ ഇതിൽ മുക്കി വെക്കാം.
ഇനി ഒരു പാനിൽ വറുത്തെടുക്കാൻ ആവശ്യമായ എണ്ണ എടുത്ത് ചൂടാക്കുക. എണ്ണ നന്നായി ചൂടായി വരുമ്പോൾ ബേബി കോൺ ഇട്ട് നന്നായി വറുത്തെടുക്കുക. സ്റ്റാർട്ടർ ആയോ നാലുമണി ചായയ്‌ക്കൊപ്പമുള്ള കടിയായോ ഇത് കഴിക്കാം
