ഡാൻസ് സ്റ്റുഡിയോയുമായി നടിയും നർത്തകയുമായ ഷംനാ കാസിം ; ഉദ്ഘാടനം നിർവഹിച്ച് മാതാവ് റൗ​ല കാ​സിം

പ്രശസ്ത നടിയും നർത്തകിയുമായ ഷംന കാസിം ദുബൈയിൽ ഡാൻസ് സ്റ്റുഡിയോ ആരംഭിച്ചു. ഭരതനാട്യം, കുച്ചിപ്പുഡി, മോഹിനിയാട്ടം, സെമി ക്ലാസിക്കൽ നൃത്തം, ബോളിവുഡ് ഡാൻസ്, ഫിറ്റ്നസ് ഡാൻസ് എന്നിവയുൾപ്പെടെ വിവിധ നൃത്തരൂപങ്ങൾ ഉൾക്കൊള്ളുന്ന വൈവിധ്യമാർന്ന പാഠ്യപദ്ധതിയാണ് ഷംനാ കാസിമിൻ്റെ ഡാൻസ് സ്റ്റുഡിയോ വാഗ്ദാനം ചെയ്യുന്നത്.

ഷംനയും മറ്റ് രണ്ടു പേരുമാണ് അധ്യാപകർ. ചൊവ്വാഴ്ച മുതൽ ഞായറാഴ്ച വരെ രാവിലെ 9 മുതൽ വൈകുന്നേരം 9വരെയാണ് പ്രവർത്തന സമയം. മാസം 8 വീതം ക്ലാസുകളാണ് ഓരോന്നിലും നൽകുക. 200 മുതൽ 300 ദിർഹം വരെയാണ് മാസത്തെ ഫീസ്. അൽ നഹ്ദ പ്ലാറ്റിനം ബിസിനസ് സെൻ്ററിലാണ് ഡാൻസ് സ്റ്റുഡിയോ പ്രവർത്തിക്കുന്നത്.

നൃ​ത്ത​ഷോ​ക​ൾ ചെ​യ്യു​ന്ന​തു​കൊ​ണ്ട്​ മ​ല​യാ​ള സി​നി​മ​ക​ളി​ൽ ​നി​ന്ന്​ മാ​റ്റി​നി​ർ​ത്ത​പ്പെ​ട്ടി​ട്ടു​ണ്ടെ​ന്ന്​ ഷം​ന കാ​സിം പ്രതികരിച്ചു. അ​ന്ന​ത്​ അം​ഗീ​ക​രി​ച്ചി​രു​ന്നെ​ങ്കി​ൽ സി​നി​മ​യും ക​രി​യ​റും ഉ​ണ്ടാ​കു​മാ​യി​രു​ന്നി​ല്ലെ​ന്നും അ​വ​ർ പ​റ​ഞ്ഞു.

ഡാ​ൻ​സും സി​നി​മ​യും ഒ​രു​മി​ച്ച്​ കൊ​ണ്ടു​പോ​ക​ണ​മെ​ന്നാ​ണ്​ ആ​ഗ്ര​ഹം. ഡാ​ൻ​സ്​ ഷോ​ക​ളി​ൽ അ​ഭി​ന​യി​ക്കു​ന്ന​തു​മൂ​ലം അ​ന്ന്​ എ​ന്തു​കൊ​ണ്ടാ​ണ്​ സി​നി​മ​യി​ൽ​ നി​ന്ന്​ മാ​റ്റി​നി​ർ​ത്തി​യ​തെ​ന്ന്​ ഇ​ന്നും അ​റി​യി​ല്ല. മൂ​ന്നു​മാ​സ​ത്തേ​ക്ക്​ ഡാ​ൻ​സ്​ ഷോ​ക​ളി​ൽ​ നി​ന്ന്​ മാ​റി​നി​ൽ​ക്ക​ണ​മെ​ന്നാ​ണ്​ അ​വ​ർ ആ​വ​ശ്യ​പ്പെ​ട്ട​ത്. മ​ല​യാ​ള സി​നി​മ​യി​ൽ സം​ഭ​വി​ച്ച കാ​ര്യ​ങ്ങ​ളി​ൽ ദുഃ​ഖ​മു​ണ്ട്. ഇ​​പ്പോ​ൾ സം​ഭ​വി​ക്കു​ന്ന മാ​റ്റ​ങ്ങ​ളെ​ല്ലാം ന​ല്ല​തി​നാ​കു​മെ​ന്നാ​ണ്​ ക​രു​തു​ന്ന​തെന്നും ഷംന കൂട്ടിച്ചേർത്തു.