കാസർകോട് സ്വദേശി അബൂദബിയിൽ മരിച്ചു

അബൂദബിയിൽ ബിസിനസ് നടത്തിവന്ന കാസർകോട് പൈവളികെ സ്വദേശി അബൂദബിയിൽ ഹൃദയാഘാതംമൂലം മരിച്ചു. നൂവത്തല വീട്ടിൽ അബ്ദുൽ ഖാദറിൻറെയും പരേതയായ റുഖിയയുടെയും മകൻ മുഹമ്മദ് മുസ്തഫയാണ് (51) മരിച്ചത്. പൊലീസ് ഇൻക്വസ്റ്റ് പൂർത്തിയാക്കി മൃതദേഹം ബനിയാസ് മോർച്ചറിയിലേക്ക് മാറ്റി.

ബൂദബി ഹംദാൻ സ്ട്രീറ്റിൽ ടീ സ്‌പോട്ട് കഫറ്റീരിയ നടത്തിവരുകയായിരുന്നു. അവ്വാബിയാണ് ഭാര്യ. മക്കൾ: അബ്ദുല്ല മുർഷിദ്, ഐഷ റീമു ഷെറിൻ. മൃതദേഹം നാട്ടിലേക്കു കൊണ്ടുപോകാനുള്ള നിയമനടപടികൾ പൂർത്തിയാക്കാനുള്ള പ്രവർത്തനം നടന്നുവരുകയാണെന്ന് മഞ്ചേശ്വരം മണ്ഡലം കെ.എം.സി.സി പ്രസിഡൻറ് അസീസ് പെർമുദേയും പൈവളികെ പഞ്ചായത്ത് കെ.എം.സി.സി പ്രസിഡൻറ് ഹമീദ് മസിമാറും അറിയിച്ചു.