അം​ഗീ​കാ​ര​മി​ല്ലാ​ത്തെ കോ​ള​ജു​ക​ളി​ൽ പ​ഠി​ച്ച 100ലേ​റെ മ​ല​യാ​ളി ന​ഴ്സു​മാ​രു​ടെ ജീ​വി​തം വ​ഴി​മു​ട്ടി

അം​ഗീ​കാ​ര​മി​ല്ലാത്ത കോ​ള​ജു​ക​ളി​ൽ പ​ഠി​ച്ച 100ലേ​റെ മ​ല​യാ​ളി ന​ഴ്സു​മാ​രു​ടെ ജീ​വി​തം വ​ഴി​മു​ട്ടി. കേ​ര​ള​ത്തി​ലെ വി​വി​ധ ജി​ല്ല​ക​ളി​ലെ ഏ​ജ​ൻ​സി​ക​ള്‍ മു​ഖേ​ന​യും നേ​രി​ട്ടും ക​ർ​ണാ​ട​ക​യി​ലെ ചി​ല കോ​ള​ജു​ക​ളി​ല്‍ അ​ഡ്മി​ഷ​ൻ നേ​ടി​യ വി​ദ്യാ​ർ​ഥി​ക​ളാ​ണ് ദു​രി​ത​ത്തി​ലാ​യ​ത്. 2023 ഒ​ക്ടോ​ബ​റി​ല്‍ അ​ഡ്മി​ഷ​ൻ നേ​ടി​യ വി​ദ്യാ​ർ​ഥി​ക​ള്‍ ഒ​രു സെ​മ​സ്റ്റ​ർ പ​ഠ​നം പൂ​ർ​ത്തി​യാ​ക്കി​യ​പ്പോ​ഴാ​ണ് കോ​ള​ജി​ന് ന​ഴ്സിം​ഗ് കൗ​ണ്‍​സി​ലി​ന്‍റെ അം​ഗീ​കാ​ര​മി​ല്ലെ​ന്ന് അ​റി​യു​ന്ന​ത്. നി​ശ്ചി​ത മാ​ന​ദ​ണ്ഡ​ങ്ങ​ള്‍ ഇ​ല്ലാ​ത്ത​തി​നാ​ല്‍ പ​ല കോ​ള​ജു​ക​ളു​ടെ​യും അം​ഗീ​കാ​രം ഐ​എ​ൻ​സി പി​ൻ​വ​ലി​ച്ചി​രു​ന്നു. ഇ​ത് മ​റ​ച്ചു​വ​ച്ചാ​ണ് ചി​ല ഏ​ജ​ൻ​സി​ക​ള്‍ വി​ദ്യാ​ർ​ഥി​ക​ളെ ത​ട്ടി​പ്പി​നി​ര​യാ​ക്കി​യ​ത്.

ഐ​എ​ൻ​സി അം​ഗീ​കാ​ര​മി​ല്ലെ​ന്ന​റി​ഞ്ഞ​തോ​ടെ വി​ദ്യാ​ർ​ഥി​ക​ള്‍ പ​ഠ​നം നി​ർ​ത്തി. ന​ഴ്സിം​ഗ് പ​ഠ​നം പാ​തി​വ​ഴി​യി​ല്‍ നി​ർ​ത്തി​യ​വ​ർ​ക്ക് സ​ർ​ട്ടി​ഫി​ക്ക​റ്റ് തി​രി​കെ കി​ട്ട​ണ​മെ​ങ്കി​ല്‍, കോ​ഴ്സി​ന്‍റെ മു​ഴു​വ​ൻ ഫീ​സും അ​ട​യ്ക്ക​ണ​മെ​ന്നാ​ണ് കോ​ള​ജ് അ​ധി​കൃ​ത​ർ പ​റ​യു​ന്ന​ത്. പ​ണ​വും സ​ർ​ട്ടി​ഫി​ക്ക​റ്റും തി​രി​കെ ന​ല്‍​ക​ണ​മെ​ന്നാ​വ​ശ്യ​പ്പെ​ട്ട് ഹൈ​ക്കോ​ട​തി​യെ സ​മീ​പി​ക്കാ​നൊ​രു​ങ്ങു​ക​യാ​ണ് വി​ദ്യാ​ർ​ഥി​ക​ള്‍.

സ​മാ​ന​സം​ഭ​വ​ങ്ങ​ൾ സം​സ്ഥാ​ന​ത്തു നി​ര​വ​ധി​യു​ണ്ടാ​യി​ട്ടു​ണ്ട്. മെഡിക്കൽ, എൻജിനീയറിംഗ് സീറ്റ് തട്ടിപ്പുമായി ബന്ധപ്പെട്ട് ഒന്പതു വർഷങ്ങൾക്കു മുന്പ് കൊച്ചിയിൽ ദന്പതികൾ പിടിയിലായിരുന്നു. പനന്പിള്ളി നഗറിൽ ആദിത്യ എന്ന പേരിൽ കൺസൽറ്റൻസി നടത്തിയിരുന്ന പ​ത്ത​നംതി​ട്ട റാ​ന്നി ക​രി​കു​ളം മു​റി​യി​ല്‍ മാ​ളി​യേ​ക്ക​ല്‍ ജ​യേ​ഷ് ജെ. ​കു​മാ​ര്‍, ഭാ​ര്യ രാ​രി ജ​യേ​ഷ് എ​ന്നി​വരാണ് അന്നു പിടിയിലായത്. ജയേഷിന്‍റെ പിതാവിനെയും സഹോദരീഭർത്താവിനെയും പോലീസ് കേസുമായി ബന്ധപ്പെട്ട് അറസ്റ്റ് ചെയ്തിരുന്നു. റിമാൻഡിലായ ഇവർക്കു മാസങ്ങൾക്കു ശേഷമാണ് ഹൈക്കോടതിയിൽനിന്നു ജാമ്യം ലഭിച്ചത്. കേസിന്‍റെ നടപടികൾ ഇപ്പോഴും തുടരുന്നതായാണ് റിപ്പോർട്ട്. രാരിയുടെ സഹോദരൻ എംബിബിഎസ് സീറ്റ് തട്ടിപ്പുകേസിലെ പ്രതിയാണ്.

ജാർഖണ്ഡിൽ മെഡിക്കൽ കോളജ് തുടങ്ങുമെന്ന് വിശ്വസിപ്പിച്ച് ദന്പതികൾ പലരിൽനിന്നായി കോടികൾ വാങ്ങിയിരുന്നു. ദേശീയതലത്തിലെ പ്രമുഖനേതാക്കൾക്കൊപ്പമുള്ള ചിത്രങ്ങൾ കാണിച്ചാണ് ഇവർ പണം വാങ്ങിയത്. എറണാകുളത്തെ യുവനേതാവിന്‍റെ സഹായം ഇവർക്കു ലഭിച്ചതായും റിപ്പോർട്ടുണ്ടായിരുന്നു. തട്ടിയെടുത്ത പണം ഉപയോഗിച്ച് ജയേഷും രാരിയും കുടുംബാംഗങ്ങളും ആഡംബരജീവിതം നയിക്കുകയായിരുന്നു. ഇടുക്കി ജില്ലയിലെ പീരുമേട് ഉൾപ്പെടെ വിവിധ സ്ഥലങ്ങളിൽ ജയേഷിനു വസ്തുവകകളുണ്ട്.

ഇപ്പോൾ ഇടുക്കി ജില്ലയിൽ സ്വകാര്യ കോളജ് നടത്തുകയാണ് ജയേഷും രാരിയും. അടിസ്ഥാനസൗകര്യങ്ങളൊന്നുമില്ലാതെയാണ് കോളജ് പ്രവർത്തിക്കുന്നത്. കുന്നിന്‍റെ മുകളിൽ ഇരുന്പുകന്പികളിലും തകരഷീറ്റിലുമാണ് കെട്ടിടം നിർമിച്ചിരിക്കുന്നത്. സുരക്ഷാമാനദണ്ഡങ്ങൾ പാലിക്കാതെയാണ് കെട്ടിടം നിർമിച്ചിരിക്കുന്നതെന്ന് ഒറ്റനോട്ടത്തിൽ ആർക്കും മനസിലാകുന്ന കാര്യമാണ്. വൻ ഫീസ് വാങ്ങിയാണ് ഇവർ കോഴ്സ് നടത്തുന്നത്. കോളജിൽ പഠിപ്പിക്കാൻ യോഗ്യതയുള്ള അധ്യാപകരും അവിടെയില്ലെന്നാണ് റിപ്പോർട്ട്. അവിടെ ചെന്നുപെടുന്ന വിദ്യാർഥികളെ കൊടിയ മാനസികപീഡനത്തിനിരയാക്കുന്നതായും റിപ്പോർട്ടുകളുണ്ട്.

വിദ്യാഭ്യാസ മേഖലയിൽ കോടികളുടെ തട്ടിപ്പു നടത്തിയ ഒരാളുടെ കഥ പറഞ്ഞെന്നുമാത്രം. ഇത്തരത്തിൽ കേരളത്തിൽ നിരവധി പേർ വിലസുന്നുണ്ട്. ഇത്തരക്കാരുടെ വലയിൽ ചെന്നു ചാടാതിരിക്കാൻ രക്ഷിതാക്കളും വിദ്യാർഥികളും പ്രത്യേകം ശ്രദ്ധിക്കുക. ബംഗളൂരുവിലെ സംഭവമാണ് ഒടുവിൽ പുറത്തുവന്നത്.