സൂപ്പര്‍ താരങ്ങളേക്കാള്‍, ചിലപ്പോള്‍ അതിനുമുകളില്‍ പ്രതിഫലം വാങ്ങുന്ന നടിമാരുണ്ട് സൗത്ത് ഇന്ത്യന്‍ സിനിമയില്‍. മലയാളത്തില്‍ താരങ്ങള്‍ക്കു പൊതുവേ പ്രതിഫലം കുറവാണെങ്കിലും മറ്റു ഭാഷകളില്‍ വന്‍ പ്രതിഫലമാണ് സ്വപ്‌നസുന്ദരിമാര്‍ വാങ്ങുന്നത്. ചില സൂപ്പര്‍ നടിമാരുടെ പ്രതിഫലം നോക്കാം.
1. നയന്‍താര
ലേഡി സൂപ്പര്‍സ്റ്റാര്‍ എന്നു വിളിപ്പേരുള്ള മലയാളിതാരം നയന്‍താരയുടെ പ്രതിഫലം കേട്ടാല്‍ ആരും ഞെട്ടും. രണ്ടു കോടി മുതല്‍ പത്തു കോടി വരെയാണത്രെ താരത്തിന്റെ പ്രതിഫലം. ചിത്രീകരണം ആരംഭിക്കുന്ന ഷാറൂഖ് ചിത്രത്തിലും കോടികളാണ് താരം പ്രതിഫലമായി വാങ്ങുന്നത്.
2. സാമന്ത റൂത്ത് പ്രഭു
യുവാക്കളുടെ ഹരമായി മാറിയ നടിയാണ് സാമന്ത റൂത്ത് പ്രഭു. മറ്റു നടികളെ അപേക്ഷിച്ച് വളരെ ഉയര്‍ന്ന പ്രതിഫലമാണു താരം കൈപ്പറ്റുന്നത്. ആറ് കോടി മുതല്‍ എട്ടു കോടി വരെയാണ് സാമന്തയുടെ പ്രതിഫലം.
3. കീര്‍ത്തി സുരേഷ്
മലയാളിതാരം കീര്‍ത്തി സുരേഷും ഉയര്‍ന്ന പ്രതിഫലം വാങ്ങുന്ന നടിയാണ്. ഒരു കോടി മുതല്‍ മൂന്നു കോടി വരെയാണ് കീര്‍ത്തിയുടെ പ്രതിഫലം.
4. രാകുല്‍ പ്രീത് സിങ്
യുവതാരം രാകുല്‍ പ്രീത് സിങ്ങും ഉയര്‍ന്ന പ്രതിഫലം വാങ്ങുന്ന നടിമാരുടെ പട്ടികയില്‍ ഉള്‍പ്പെടുന്നു. 1.5 കോടി മുതല്‍ 3.5 കോടി വരെയാണ് താരത്തിന്റെ പ്രതിഫലം.
5. പൂജ് ഹെഗ്‌ഡെ
പ്രേക്ഷകരുടെ ഇഷ്ടനായികമാരിലൊരാളായ പൂജ ഹെഗ്‌ഡെയുടെ പ്രതിഫലം 2.5 മുതല്‍ ഏഴു കോടി വരെയാണ്.
6. തമന്ന ഭാട്ടിയ
സ്വപ്‌നസുന്ദരി തമന്ന ഭാട്ടിയയും ഉയര്‍ന്ന പ്രതിഫലം വാങ്ങുന്ന നടിയാണ്. നിലവില്‍ കരാറായിരിക്കുന്ന ചിത്രങ്ങളില്‍ 1.5 മുതല്‍ അഞ്ചു കോടി വരെയാണ് പ്രതിഫലം. ഇതിലും ഉയര്‍ന്ന പ്രതിഫലമാണ് പുതിയ ചിത്രങ്ങള്‍ക്കായി താരം ചോദിക്കുന്നതെന്നും റിപ്പോര്‍ട്ടുണ്ട്.
7. അനുഷ്‌ക ഷെട്ടി
ആരാധകരേറെയുള്ള താരമാണ് അനുഷ്‌ക ഷെട്ടി. അഭൗമസൗന്ദര്യത്തിനുടമകൂടിയ താരത്തിന്റെ പ്രതിഫലം കോടികളാണ്. നിലവില്‍ കരാറായിരിക്കുന്ന ചിത്രങ്ങളില്‍ ആറു കോടിയാണ് താരത്തിന്റെ പ്രതിഫലം.
