യുഎസിലെ ചിക്കാഗോയില്‍ സംഗീതപരിപാടിക്കിടെ ഗായിക ഷാനിയ ട്വയ്ന്‍ സ്റ്റേജില് വീണത് സഹപ്രവര്‍ത്തകര്‍ക്കും കാണികള്‍ക്കുമിടയില്‍ ആദ്യം അമ്പരപ്പുണ്ടാക്കിയെങ്കിലും പാട്ടുതുടര്‍ന്ന ഗായികയെ ആരാധകര്‍ ഹര്‍ഷാരവത്തോടെ ഏതിരേറ്റു. 'ക്യൂന്‍ ഓഫ് കണ്‍ട്രി പോപ്പ്' എന്നാണ് കനേഡിയന്‍ ഗായിക ഷാനിയ ട്വയ്ന്‍ അറിയപ്പെടുന്നത്. ഗായിക മാത്രമല്ല, ഗാനരചയിതാവും നടിയും കൂടിയാണ് ലോകമെമ്പാടും ആരാധകരുള്ള ഷാനിയ.
ചിക്കാഗോയിലെ ടിന്‍ലി പാര്‍ക്കില്‍ പരിപാടി നടക്കുമ്പോഴാണ് ഷാനിയ അടിതെറ്റി സ്റ്റേജില് വീണത്. അവരുടെ വിശ്വപ്രസിദ്ധമായ 'ഡോണ്ട് ബി സ്റ്റുപിഡ്' എന്ന ഗാനം ആലപിക്കുമ്പോഴാണ് വീഴ്ച സംഭവിച്ചത്. അതേസമയം, വീണിട്ടും ഷാനിയ പാട്ടു നിര്‍ത്തിയില്ല. വീണുകിടന്നും ഷാനിയ പാടി. തുടര്‍ന്ന് ചാടിയെഴുന്നേല്‍ക്കുകയും ചെയ്തു. വീഴ്ചയില്‍ ഷാനിയയ്ക്കു പരിക്കുപറ്റിയില്ല. 'ക്യൂന്‍ ഓഫി മി' എന്ന സംഗീതപരിപാടിയുമായി ലോകം ചുറ്റുകയാണ് ഷാനിയ ഇപ്പോള്‍.
