കടൽ കണ്ടാസ്വദിച്ച് മാലാഖ; മനോഹര ചിത്രം പങ്കുവച്ച് പ്രിയങ്ക ചോപ്ര

ബോളിവുഡ് സൂപ്പർ താരം പ്രിയങ്ക ചോപ്രയുടെ വിശേഷങ്ങൾ അറിയാൻ സോഷ്യൽ മീഡിയയിൽ ലക്ഷക്കണക്കിന് ആരാധകരാണുള്ളത്. അമേരിക്കൻ ഗായകൻ നിക്ക് ജോനാസിനെ വിവാഹം കഴിച്ച് താരം വർഷങ്ങളായി അമേരിക്കയിലാണ് താമസം. ദമ്പതികളുടെ മകൾ മാൾട്ടി മേരിയുടെ പുതിയ ചിത്രം തന്റെ ഇൻസ്റ്റഗ്രാം അക്കൗണ്ടിൽ പങ്കുവച്ചിരിക്കുകയാണ് പ്രിയങ്ക.

പതിനായിരക്കണക്കിന് ആളുകളാണ് ചിത്രം ഏറ്റെടുത്തത്. 'മാലാഖ' എന്ന അടിക്കുറിപ്പോടെയാണ് പ്രിയങ്ക മകളുടെ ചിത്രം പങ്കുവച്ചിരിക്കുന്നത്. നീലയും ചുവപ്പും നിറത്തിലുള്ള പൂക്കളുള്ള മോണോകിനിയും അതിനു ചേരുന്ന തൊപ്പിയും സൺഗ്ലാസും ധരിച്ചാണ് മാൾട്ടി നിൽക്കുന്നത്. ഫോട്ടോയിൽ കൊച്ചുമിടുക്കിയായാണ് മാൾട്ടിയെ കാണുന്നത്. അവൾ കടൽ കണ്ട് ആസ്വദിച്ചുനിൽക്കുകയാണ്. മുമ്പും മകളുടെ ചിത്രങ്ങൾ പ്രിയങ്ക പങ്കുവയ്ക്കാറുണ്ട്. അതെല്ലാംതന്നെ ആരാധകർ ഏറ്റെടുക്കാറുമുണ്ട്.