നേരിന്റെ റിലീസ് തടയില്ല; മോഹൻലാലിനും ജീത്തു ജോസഫിനും കോടതിയുടെ നോട്ടീസ്
![നേരിന്റെ റിലീസ് തടയില്ല; മോഹൻലാലിനും ജീത്തു ജോസഫിനും കോടതിയുടെ നോട്ടീസ് നേരിന്റെ റിലീസ് തടയില്ല; മോഹൻലാലിനും ജീത്തു ജോസഫിനും കോടതിയുടെ നോട്ടീസ്](https://news.radiokeralam.com/h-upload/2023/12/20/382185-2023-12-20t125629880.webp)
മോഹൻലാൽ കേന്ദ്ര കഥാപാത്രമാകുന്ന സിനിമ നേരിന്റെ റിലീസ് തടയണമെന്ന് ആവശ്യപ്പെട്ടുള്ള ഹർജിയിൽ ഹൈക്കോടതിയുടെ നോട്ടീസ്. സംവിധായകൻ ജീത്തു ജോസഫും മോഹൻലാലും വിശദീകരണം നൽകണമെന്നാണ് നിർദ്ദേശം. സിനിമയുടെ റിലീസ് തടയണമെന്ന ഹർജിക്കാരന്റെ ആവശ്യം ഹൈക്കോടതി അംഗീകരിച്ചില്ല. കഥാകൃത്ത് ദീപക് ഉണ്ണി നൽകിയ ഹർജിയിയിൽ നാളെ ഹൈക്കോടതി വാദം കേൾക്കും. ജസ്റ്റിസ് ദേവൻ രാമചന്ദ്രൻ അധ്യക്ഷനായ സിംഗിൾ ബെഞ്ചിന്റേതാണ് നടപടി.
സംവിധായകൻ ജീത്തു ജോസഫും സഹ തിരക്കഥാകൃത്തും അഭിനേത്രിയുമായ അഡ്വ. ശാന്തിപ്രിയയും ചേർന്ന് സ്ക്രിപ്റ്റ് മോഷ്ടിച്ചുവെന്നാണ് ഹർജിക്കാരന്റെ ആരോപണം. തന്റെ കഥ മോഷ്ടിച്ചാണ് ജീത്തു ജോസഫ് സിനിമയാക്കിയത്. 49 പേജ് അടങ്ങുന്ന കഥാതന്തു വാങ്ങിയ ശേഷം സിനിമയിൽ നിന്ന് ഒഴിവാക്കിയെന്നുമാണ് ദീപക് ഉണ്ണിയുടെ ആരോപണം. സിനിമ നാളെ റിലീസ് ചെയ്യാനിരിക്കെയാണ് കഥാകൃത്ത് ഹൈക്കോടതിയെ സമീപിച്ചത്.