കളരി പഠിക്കുന്നത് പ്രശ്നമായിരുന്നില്ല; അതിലും വലിയ വെല്ലുവിളികൾ നേരിട്ടു: ടൊവിനോ

ടൊ​വി​നോ​യു​ടെ ക​രി​യ​റി​ലെ അ​മ്പ​താ​മ​തു ചിത്രമാണ് എആർഎം-അജയന്‍റെ രണ്ടാം മോഷണം. ​ടൊ​വി​നോ തോ​മ​സ് മൂ​ന്നു വേ​ഷ​ങ്ങ​ളി​ലെ​ത്തു​ന്ന ആ​ക്‌​ഷൻ ത്രീ​ഡി ത്രി​ല്ല​ര്‍ തി​യ​റ്റ​റു​ക​ളി​ല്‍ വിജയകരമായി പ്രദർശനം തുടരുകയാണ്. കു​ഞ്ഞി​ക്കേ​ളു, മ​ണി​യ​ന്‍, അ​ജ​യ​ന്‍... എന്നീ കഥാപാത്രങ്ങളെയാണ് ടൊവിനോ അവതരിപ്പിക്കുന്നത്. ചിത്രത്തിലെ തന്‍റെ കഥാപാത്രങ്ങളെക്കുറിച്ചു പറയുകയാണ് താരം.

ക​ള​രി പ​ഠി​ക്കു​ക എ​ന്ന​തി​നേ​ക്കാ​ള്‍ എ​ന്‍റെ മു​ന്നി​ൽ മറ്റു വെല്ലുവിളികൾ ഉണ്ടായിരുന്നു. ​മൂ​ന്നു ക​ഥാ​പാ​ത്ര​ങ്ങ​ളെ​യും രൂ​പ​ത്തി​ലും ഭാ​വ​ത്തി​ലും സ്വ​ഭാ​വ​ത്തി​ലും പെ​രു​മാ​റ്റ​ത്തി​ലു​മൊ​ക്കെ വേ​റി​ട്ടു നി​ല്‍​ക്കു​ന്ന രീ​തി​യി​ല്‍ അ​വ​ത​രി​പ്പി​ക്കു​ക എ​ന്ന​താ​യി​രു​ന്നു. തു​റ​ന്ന ച​ർ​ച്ച​ക​ളാ​യും ആ​ക്ടിം​ഗ് വ​ര്‍​ക്ക് ഷോ​പ്പു​ക​ളാ​യും കൂ​ടു​ത​ല്‍ സ​മ​യം അ​തി​നു​വേ​ണ്ടി​യാ​ണു ചെ​ല​വ​ഴി​ച്ച​ത്.

കാ​സ​ര്‍​ഗോ​ഡി​നോ​ട് അ​ടു​ത്തു​നി​ല്‍​ക്കു​ന്ന നീ​ലേ​ശ്വ​രം ഭാ​ഗ​ങ്ങ​ളി​ലെ ഭാ​ഷ​യാ​ണ് ഈ ​സി​നി​മ​യി​ല്‍. അതിനായ സംവിധായകന്‍റെയും തിരക്കഥാകൃത്തിന്‍റെയും സഹായമുണ്ടായി. അ​ജ​യ​ന്‍റെ ഒ​ന്നാം മോ​ഷ​ണ​വും ര​ണ്ടാം മോ​ഷ​ണ​വു​മൊ​ക്കെ സി​നി​മ​യി​ലു​ണ്ട്. അ​തി​ലു​പ​രി മൂ​ന്നു ത​ല​മു​റ​ക​ളു​ടെ വ​ലി​യ ക​ഥ​യു​ണ്ട്.

സു​ര​ഭി​ല​ക്ഷ്മി ഇ​തി​ല്‍ എ​ന്‍റെ ഭാ​ര്യ​യാ​യും അ​മ്മൂ​മ്മ​യാ​യും ര​ണ്ടു വേ​ഷ​ങ്ങ​ളി​ല്‍. രോ​ഹി​ണി​ച്ചേ​ച്ചി എ​ന്‍റെ അ​മ്മ​യാ​യും മ​ക​ളാ​യും ര​ണ്ടു വേ​ഷ​ങ്ങ​ളി​ൽ. ജ​ഗ​ദീ​ഷേ​ട്ട​ന്‍ നാ​ണു​വെ​ന്ന ക​ഥാ​പാ​ത്ര​മാ​യി മ​ണി​യ​നൊ​പ്പ​മാ​ണു​ള്ള​ത്. വലിയ ശ്രദ്ധ കൊടുത്തില്ലെങ്കിൽ കഥാപാത്രങ്ങൾ ചിലപ്പോൾ കൈയിൽനിന്നു വഴുതിപ്പോകുമായിരുന്നു- ടൊവിനോ തോമസ് പറഞ്ഞു.