ആരെയും പറ്റിക്കരുത്, കുതന്ത്രങ്ങളുപയോഗിക്കരുത്...,അവസാനം ഇടിഞ്ഞുപൊളിഞ്ഞു വീഴും: ബോബി ചെമ്മണ്ണൂർ

ബിസിനസിൽസത്യസന്ധത, ക്രെഡിബിലിറ്റി എന്നിവയാണ് ഏറ്റവും പ്രധാനമെന്ന് പറയുകയാണ് ബോബി ചെമ്മണ്ണൂർ എന്ന ബോച്ചെ. നമ്മുടെ വാക്കിനു വിലയുണ്ടാകണം. ആരെയും പറ്റിക്കരുത്. വഞ്ചിക്കരുത്. ചതിക്കരുത്. അങ്ങനെ ക്രെഡിബിലിറ്റി വരുമ്പോൾ നമ്മൾതന്നെ ഒരു ബ്രാൻഡ് ആയി മാറും. നമ്മൾ സ്വയം ബ്രാൻഡ് ആയി കഴിയുമ്പോൾ ബിസിനസ് വിജയിച്ചു.

ക്രെഡിബിലിറ്റിയിൽ കൂടി മാത്രമേ ബ്രാൻഡ് ആയി മാറാൻ കഴിയൂ. അപ്പോൾ നമ്മുടെ ചുറ്റും ആളുണ്ടാകും. ഇൻവെസ്റ്റ്മെന്റ് കിട്ടും. ഷെയർ വാങ്ങാൻ ആളുണ്ടാകും. ഞാൻ ക്രെഡബിലിറ്റിയൽ വളർന്ന ആളാണ്. കുതന്ത്രങ്ങളുപയോഗിച്ച് നമ്മൾ എന്തെല്ലാം കെട്ടിപ്പൊക്കിയാലും അവസാനം അത് ഇടിഞ്ഞുപൊളിഞ്ഞു വീഴും. അതാണു ചരിത്രം- ബോച്ചെ പറഞ്ഞു.