അച്ഛൻ ഒരു വാഴ വെച്ചു; ചിത്രീകരണം ആരംഭിച്ചു

നിരഞ്ജ് രാജു, എ.വി. അനൂപ്, ശാന്തി കൃഷ്ണ എന്നിവരെ പ്രധാന കഥാപാത്രങ്ങളാക്കി സന്ദീപ് സംവിധാനം ചെയ്യുന്ന ' അച്ഛൻ ഒരു വാഴ വെച്ചു' എന്ന ചിത്രത്തിന്റെ ചിത്രീകരണം കോഴിക്കോട് ആരംഭിച്ചു.

മുകേഷ്, ജോണി ആന്റണി, ധ്യാൻ ശ്രീനിവാസൻ, ശരത് അപ്പാനി, ഭഗത് മാനുവൽ, സോഹൻ സീനു ലാൽ, ഫുക്രു, അശ്വിൻ മാത്യു, ലെന, മീര നായർ, ദീപ ജോസഫ്, കുളപ്പുള്ളി ലീല തുടങ്ങിയവരാണ് മറ്റു പ്രമുഖ താരങ്ങൾ.

എവിഎ പ്രൊഡക്ഷൻസിന്റെ ബാനറിൽ എ.വി. അനൂപ് നിർമിക്കുന്ന ചിത്രത്തിന്റെ ഛായാഗ്രഹണം പി. സുകുമാർ നിർവഹിക്കുന്നു. മനു ഗോപാൽ കഥ, തിരക്കഥ സംഭാഷണമെഴുതുന്നു. സംഗീതം ബിജിബാൽ, എഡിറ്റർ സാജൻ, കല ത്യാഗു തവന്നൂർ, ചീഫ് അസോസിയേറ്റ് ഡയറക്ടർ രതീഷ് പാലോട്, അസോസിയേറ്റ് ഡയറക്ടർ പ്രവി നായർ.