തിരുവോണം ബംമ്പറിനെ ചൊല്ലി തർക്കം, സംഘട്ടനം; ഒരാൾ വെട്ടേറ്റ് മരിച്ചു

തിരുവോണം ബമ്പ‍ര്‍ ലോട്ടറി ടിക്കറ്റിനെ ചൊല്ലിയുണ്ടായ തർക്കത്തിൽ ഒരാൾ വെട്ടേറ്റ് കൊല്ലപ്പെട്ടു.കൊല്ലം തേവലക്കര സ്വദേശി ദേവദാസ് ആണ് കൊല്ലപ്പെട്ടത്. സംഭവത്തിൽ ദേവദാസിന്റ സുഹൃത്ത് അജിത്തിനെ പൊലീസ് കസ്റ്റഡിയിലെടുത്തു.

ദേവദാസ് എടുത്ത തിരുവോണം ബംമ്പർ ലോട്ടറി ടിക്കറ്റ് അജിത്തിനെ സൂക്ഷിക്കാൻ ഏൽപ്പിച്ചിരുന്നു. ലോട്ടറി നറുക്കെടുപ്പിന് മുമ്പ് ദേവദാസ് അജിത്തിനോട് ടിക്കറ്റ് തിരികെ ചോദിച്ചു.അജിത് ടിക്കറ്റ് തിരികെ നൽകാതെ വന്നതോടെ ഇരുവരും ടിക്കറ്റിന്റെ പേരിൽ ത‍ർക്കമായി. വാക്കു തർക്കത്തിനിടെ അജിത് ദേവദാസിന്റ കയ്യിൽ വെട്ടുകയായിരുന്നു.വെട്ടേറ്റ് രക്തം വാർന്നാണ് ദേവദാസ് മരിച്ചത്. ഇരുവരും മരംവെട്ട് തൊഴിലാളികളും സുഹൃത്തുക്കളുമാണ്. മദ്യലഹരിയിലാണ് കൃത്യം നടത്തിയതെന്നാണ് പുറത്ത് വരുന്ന വിവരം