ഗ​ൾ​ഫ് എ​യ​ർ യാ​ത്ര​ക്കാ​ർ​ക്ക് ഇ​നി യാ​ത്ര​യി​ലു​ട​നീ​ളം സൗ​ജ​ന്യ വൈ​ഫൈ

ഗൾഫ് എയർ യാത്രയിലുടനീളം 'ഫാൽക്കൺ വൈഫൈ' എന്ന പേരിൽ കോംപ്ലിമെന്ററി ഇൻ-ഫ്‌ലൈറ്റ് വൈഫൈ യാത്രക്കാർക്ക് നൽകുന്നു. ഇ-മെയിൽ, ചാറ്റ്, ബ്രൗസിങ് എന്നിവ ഇതിലൂടെ സാധ്യമാണ്.

യാത്രയിലുടനീളം ജോലിയിൽ ഏർപ്പെടാനും പ്രിയപ്പെട്ടവരുമായി ബന്ധം നിലനിർത്താനും വിനോദപരിപാടികൾ ആസ്വദിക്കാനും ഇനി സാധിക്കും. ബോയിങ് 787-ഡ്രീം ലൈനർ, എയർബസ് A321neo വിമാനങ്ങളിൽ ഈ സൗകര്യം ലഭ്യമാണ്. സിനിമകളും മറ്റ് ടി.വി ഷോകളും സീറ്റിന് മുന്നിലെ സ്‌ക്രീനിലൂടെ ആസ്വദിക്കാനുള്ള സൗകര്യം നിലവിൽ ഗൾഫ് എയർ വിമാനങ്ങളിൽ ലഭ്യമാണ്.

എന്നാൽ, എല്ലാ രാജ്യങ്ങളിലേക്കുമുള്ള സർവിസുകളിൽ സൗജന്യ വൈഫൈ സേവനം ലഭ്യമല്ല. ചില രാജ്യങ്ങളിൽ ചില സമൂഹ മാധ്യമ സൈറ്റുകളും ലഭ്യമാകില്ല.