ഇന്ത്യയുടെ ജെം ആൻഡ് ജ്വല്ലറി എക്‌സ്‌പോർട്ട് പ്രൊമോഷൻ കൗൺസിൽ (ജിജെഇപിസി) ആതിഥേയത്വം വഹിക്കുന്ന ഇൻ്റർനാഷണൽ ജെം ആൻഡ് ജ്വല്ലറി ഷോയുടെ (ഐജിജെഎസ്) നാലാം പതിപ്പിന് തുടക്കമായി. സൺടെക് ബിസിനസ് സൊല്യൂഷൻസ് സ്‌പോൺസർ ചെയ്യുന്നതും ദുബായ് ഗോൾഡ് & ജ്വല്ലറി ഗ്രൂപ്പിൻ്റെ പിന്തുണയുള്ളതുമായ ഈ എക്‌സ്‌ക്ലൂസീവ് ഇവൻ്റ്, മികച്ച ഇന്ത്യൻ രത്നങ്ങളും ആഭരണങ്ങളും ഒരുമിച്ച് കൊണ്ടുവരുന്നു. ഇത് ആഗോള തലത്തിൽ വാങ്ങുന്നവരുടെ പ്രധാന ലക്ഷ്യസ്ഥാനമെന്ന നിലയിൽ ഇന്ത്യയുടെ സ്ഥാനം ശക്തിപ്പെടുത്തും.
IGJS ദുബൈ 2024-ൻ്റെ ഉദ്ഘാടന ചടങ്ങിൽ ദുബായിലെ ഇന്ത്യൻ കോൺസൽ ജനറൽ സതീഷ് കുമാർ ശിവൻ ഉൾപ്പെടെയുള്ള വിശിഷ്ട വ്യക്തികൾ പങ്കെടുത്തു. ജിജെഇപിസി വൈസ് ചെയർമാൻ കിരിത് ബൻസാലി, ദുബായ് ഗോൾഡ് & ജ്വല്ലറി ഗ്രൂപ്പ് വൈസ് ചെയർമാൻ ചന്തു സിറോയ, യു.എ.ഇ.യിലെ ജവഹറ ജ്വല്ലറി ഗ്രൂപ്പ് ഡെപ്യൂട്ടി സി.ഇ.ഒ. തംജിദ് അബ്ദുള്ള, മലബാർ ഗോൾഡ് & ഡയമണ്ട്സ് വൈസ് ചെയർമാൻ അബ്ദുൾ സലാം, ജിജെഇപിസി മിഡിൽ ഈസ്റ്റ് കോർഡിനേറ്റർ കെ.പി. രമേഷ് വോറ, ജിജെഇപിസിയിലെ ദേശീയ പ്രദർശനങ്ങളുടെ കൺവീനർ നീരവ് ബൻസാലി, ജിജെഇപിസി എക്‌സിക്യൂട്ടീവ് ഡയറക്ടർ സബ്യസാചി റേ തുടങ്ങിയവരും ഉദ്ഘാടന ചടങ്ങിൽ പങ്കെടുത്തു.