പാരീസ് ഒളിംപിക്സിൽ മത്സരങ്ങൾ പൂർത്തിയായി ; ഒന്നാം സ്ഥാനം നിലനിർത്തി അമേരിക്ക , ചൈന രണ്ടാമത്

പാരീസ് ഒളിംപിക്സിൽ മത്സരങ്ങൾ പൂർത്തിയായി. മെഡൽ പട്ടികയിൽ അമേരിക്ക ഒന്നാം സ്ഥാനം നിലനിർത്തി.40 സ്വർണവും 44 വെള്ളിയും 42 വെങ്കലവുമടക്കം അടക്കം 126 മെഡലുകളുമായാണ് അമേരിക്ക ഒന്നാമതെത്തിയത്. 40 സ്വർണവും 27 വെളളിയും 24 വെങ്കലവുമായി ചൈനയാണ് രണ്ടാമത്. ഒരു വെള്ളിയും 5 വെങ്കലവും ഉൾപ്പെടെ 6 മെഡലുകളുമായി ഇന്ത്യ 71 ആം സ്ഥാനത്താണ് ഫിനിഷ് ചെയ്തത്. അവസാന മത്സരത്തിൽ സ്വർണം സ്വന്തമാക്കിയാണ് അമേരിക്ക ചൈനയിൽ നിന്ന് ഒന്നാം സ്ഥാനം തിരിച്ച് പിടിച്ചത്. വനിതാ ബാസ്ക്കറ്റ് ബോളിൽ ഫ്രാൻസിനെ ഒരു പോയിന്റിനാണ് അമേരിക്ക തോൽപ്പിച്ചത്.