പാരാലിമ്പിക്‌സിൽ ഇന്ത്യക്ക് ആറാം സ്വർണം; ഹൈജമ്പില്‍ പ്രവീണ്‍ കുമാറിന് റെക്കോഡ്
പാരാലിമ്പിക്‌സില്‍ സ്വര്‍ണ കുതിപ്പുമായി ഇന്ത്യ. ഇന്ത്യക്കായി ആറാം സ്വർണം നേടിയത് ഹൈജമ്പ് ടി64 വിഭാഗത്തില്‍ പ്രവീണ്‍ കുമാറാണ്. പുരുഷന്‍മാരുടെ ഹൈജമ്പ് ടി64 വിഭാഗത്തില്‍ 2.08 മീറ്റര്‍ ഉയരത്തില്‍ ചാടിയാണ് താരം സ്വര്‍ണമണിഞ്ഞത്. ഏഷ്യന്‍ റെക്കോഡാണിത്.
ടോക്യോ പാരാലിമ്പിക്‌സിലെ വെള്ളി മെഡല്‍ ജേതാവാണ് നോയിഡ സ്വദേശിയായ പ്രവീണ്‍. ഇതോടെ മാരിയപ്പന്‍ തങ്കവേലുവിന് ശേഷം പാരാലിമ്പിക്‌സ് ജമ്പിങ് ഇനത്തില്‍ സ്വര്‍ണ മെഡല്‍ നേടുന്ന രണ്ടാമത്തെ ഇന്ത്യന്‍ താരമെന്ന നേട്ടവും 21-കാരനായ പ്രവീണിന് നേടി. യുഎസ്എയുടെ ഡെറെക് ലോക്‌സിഡെന്റിനാണ് (2.06 മീറ്റര്‍) വെള്ളി, ഉസ്ബക്കെിസ്താന്റെ തെമുര്‍ബെക് ഗിയോസോവ് (2.03) വെങ്കലവും സ്വന്തമാക്കി.
ഇന്ത്യയുടെ 26-ാം സ്വർണമാണ് പ്രവീണിന് സ്വന്തമാക്കിയത്. ആറ് സ്വര്‍ണം, ഒമ്പത് വെള്ളി, 11 വെങ്കലവുമാണ് നിലവിൽ ഇന്ത്യയുടെ അക്കൗണ്ടിലുള്ളത്. നിലവില്‍ 14-ാം സ്ഥാനത്താണ് ഇന്ത്യ. പാരാലിമ്പിക്‌സ് ചരിത്രത്തില്‍ ഇന്ത്യയുടെ ഏറ്റവും മികച്ച പ്രകടനമാണിത്.