നഗ്‌നപാദയായി പഴനിയിൽ 600 പടികൾ കയറിയ സാമന്ത

തന്റെ ഏറ്റവും പുതിയ ചിത്രമായ ശാകുന്തളത്തിന്റെ റിലീസിന് മുന്നോടിയായി സാമന്ത റൂത്ത് പ്രഭു അടുത്തിടെ പഴനി ക്ഷേത്രം സന്ദർശിച്ചിരുന്നു. ചില ആരാധകർക്കൊപ്പം പടി കയറിയ അവർ അനുഗ്രഹം തേടുകയും ഫോട്ടോകൾ എടുക്കുകയും ചെയ്തു. നഗ്‌നപാദനായി 600 പടികൾ കയറിയ അവർ, ക്ഷേത്രാചാരത്തിന്റെ ഭാഗമായി ഓരോ പടിയിലും കർപ്പൂരവും കത്തിച്ചു.

ക്ഷേത്ര ദർശനത്തിനു ശേഷം തനിക്കു ചുറ്റും തടിച്ചു കൂട്ടിയവരോട് സംസാരിക്കുകയുണ്ടായി. കഴിഞ്ഞ നവംബറിലാണ് സാമന്തക്ക് ഒരപൂർവ രോഗം കണ്ടെത്തിയത്. പരിശോധനയിൽ അത് മയോസിറ്റിസ് എന്ന അപൂർവ സ്വയം രോഗമാണെന്ന് മനസ്സിലായി.ഇതേക്കുറിച്ചും തന്റെ പ്രസംഗത്തിൽ അവർ സംസാരിച്ചു. ഞാൻ സിനിമയെ വളരെയേറെ സ്‌നേഹിക്കുന്നു, സിനിമ എന്നെ തിരിച്ചും സ്‌നേഹിക്കുന്നു. ശാകുന്തളത്തിലൂടെ ഈ സ്‌നേഹം പലമടങ്ങ് വളരുമെന്ന് ഞാൻ ശക്തമായി വിശ്വസിക്കുന്നു, ''അവർ പറഞ്ഞു.

തെലുങ്ക് ആക്ഷൻ ത്രില്ലറായ 'യശോദ'യിലാണ് സമാന്ത അവസാനമായി അഭിനയിച്ചത്. കുട്ടിയെ സംരക്ഷിക്കാൻ എന്തും ചെയ്യാനും മടിക്കാത്ത വാടക അമ്മയായാണ് സാമന്ത 'യശോദ'യിൽ അഭിനയിച്ചത്. ചിത്രം ബോക്സ് ഓഫീസിൽ ഹിറ്റായി മാറുകയും തിയേറ്ററുകളിൽ ഏകദേശം 40 കോടി രൂപ നേടുകയും ചെയ്തു. ജാനു എന്ന തെലുങ്ക് ചിത്രത്തിൽ ഒരുമിച്ചു പ്രവർത്തിച്ച സംവിധായകൻ പ്രേം കുമാറും സമാന്തയ്ക്കൊപ്പം ഈ യാത്രയിൽ ഉണ്ടായിരുന്നു.

ഏപ്രിൽ 14ന് ചിത്രം ലോകമെമ്പാടും പ്രദർശനത്തിനെത്തുമെന്ന് ശാകുന്തളത്തിന്റെ നിർമ്മാതാക്കൾ അടുത്തിടെ സ്ഥിരീകരിച്ചു. ഈ ആഴ്ചയാണ് ഇത് തിയേറ്ററുകളിൽ റിലീസ് ചെയ്യേണ്ടിയിരുന്നത്. ശാകുന്തളത്തിൽ മേനകയുടെയും വിശ്വാമിത്രയുടെയും മകളായ ശകുന്തള എന്ന കേന്ദ്ര കഥാപാത്രത്തെയാണ് സാമന്ത അവതരിപ്പിക്കുന്നത്. ഗുണശേഖർ നിർമ്മിക്കുകയും സംവിധാനം ചെയ്യുകയും ചെയ്യുന്ന ചിത്രം ഹിന്ദി, തമിഴ്, മലയാളം, കന്നഡ ഭാഷകളിൽ പുറത്തിറങ്ങും.