സിനിമ ചിത്രീകരണത്തിനിടെ ബോളിവുഡ് സൂപ്പർ സ്റ്റാർ ഷാറൂഖ് ഖാന് പരുക്ക് ; അപകടം അമേരിക്കയിൽ വച്ച്
അമേരിക്കയിലെ ലോസാഞ്ചൽസിൽ വച്ച് നടന്ന സിനിമ ചിത്രീകരണത്തിനിടെ ബോളിവുഡ് സൂപ്പർ സ്റ്റാർ ഷാറൂഖ് ഖാന് പരുക്കേറ്റു. താരത്തിന്റെ മൂക്കിനാണ് പരുക്കേറ്റത്. ഉടൻ തന്നെ അദ്ദേഹത്തെ ലോസാഞ്ചൽസിലെ ആശുപത്രിയിൽ പ്രവേശിപ്പിച്ചു. പരുക്ക് ഗുരുതരമുള്ളതല്ല. ചികിത്സയ്ക്ക് ശേഷം ആശുപത്രി വിട്ട അദ്ദേഹം ഇന്ത്യയിലേക്ക് മടങ്ങി. നിലവിൽ മുംബൈയിലെ വീട്ടിൽ വിശ്രമത്തിലാണ് അദ്ദേഹം. താരത്തിന് പരുക്കേറ്റതിനെ തുടർന്ന് സിനിമയുടെ ചിത്രീകരണം താത്കാലികമായി നിർത്തി വച്ചു.