മൂന്നര മില്യണിലധികം ഉപഭോക്താക്കളുമായി യു എ ഇ യുടെ ഗോ ചാറ്റ് മെസ്സഞ്ചർ

യു എ ഇ : യു എ ഇ യുടെ ഗോ ചാറ്റ് മെസ്സഞ്ചറിന് ആഗോളതലത്തിൽ പ്രചാരമേറുന്നു. ലോകമെമ്പാടുമുള്ള മൂന്നര ലക്ഷത്തിലധികം ഉപഭോക്താക്കൾ ഇതിനോടകം ഗോ ചാറ്റ് മെസ്സഞ്ചർ ഡൗൺലോഡ് ചെയ്ത് കഴിഞ്ഞു. വീഡിയോ കോളുകളും, ഓഡിയോ കോളുകളും ചെയ്യാൻ കഴിയുന്ന യു എ ഇ യുടെ പ്രഥമ ബ്രാന്റായ എത്തിസലാത്തിന്റേതാണ് ഗോ ചാറ്റ് മെസ്സഞ്ചർ.വോയിസ് കോളുകൾ, വീഡിയോ കോളുകൾ, ചാറ്റിങ്, പണ വിനിമയം, ബിൽ പേയ്‌മെന്റുകൾ, ഗെയിമുകൾ തുടങ്ങി നിരവധി സേവനങ്ങളാണ് ഗോ ചാറ്റ് ആപ്പ് നൽകുന്നത്.ഫോൺ നമ്പർ രജിസ്റ്റർ ചെയ്തുകൊണ്ട് നമുക്ക് ഈ ആപ്പ് ഉപയോഗിക്കാൻ സാധിക്കും. ഐഒഎസ് ആപ്പ് സ്റ്റോറുകൾ വഴിയും ആൻഡ്രോയിഡ് വഴിയും ഗോ ചാറ്റ് ഡൗൺലോഡ് ചെയ്യാൻ സാധിക്കും.

ഉപഭോക്താക്കൾക്ക് ഇഷ്ടപ്പെട്ട ബ്രാന്റുകൾ ഫോളോ ചെയ്യാനും, അവയുടെ ഏറ്റവും പുതിയ വിവരങ്ങൾ അറിയാനും ഗോ ചാറ്റിൽ അവസരമുണ്ട്. ഇഷ്ടപ്പെട്ട സാധനങ്ങൾ വാങ്ങാനും ഈ ആപ്പ് വഴി സാധിക്കും. നമ്മുടെ ഫ്രൻസിനെയോ, ബന്ധുക്കളെയോ ആപ്പിലേക്ക് ഫോൺ കോൺടാക്ട് വഴി ക്ഷണിക്കുന്നതിലൂടെ സമ്മാനമായി ദിവസവും 2500 പുതിയ സ്മൈലികൾ നേടാൻ സാധിക്കും.ലോകത്തെവിടെയും, ആർക്കും ഗോ ചാറ്റിന്റെ സേവനങ്ങൾ ലഭ്യമാകും.