ദു​ബൈ ക​മ്പ​നി 10 എ​യ​ർ ടാ​ക്സി​ക​ൾ വാ​ങ്ങു​ന്നു

എ​യ​ർ ടാ​ക്സി സ​ർ​വി​സു​ക​ൾ ആ​രം​ഭി​ക്കു​ന്ന​തി​ന്​ മു​ന്നോ​ടി​യാ​യി ദു​ബൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന ഫ്ര​ഞ്ച്​ ഹെ​ലി​കോ​പ്​​ട​ർ സ​ർ​വി​സ്​ ക​മ്പ​നി​യാ​യ എ​യ​ർ ഷാ​ട്ടോ 10 എ​യ​ർ ടാ​ക്സി​ക​ൾ​ക്ക്​ ഓ​ർ​ഡ​ർ ന​ൽ​കി. യൂ​റോ​പ്യ​ൻ ക​മ്പ​നി​യാ​യ ക്രി​സാ​ലി​യോ​ൺ മൊ​​ബി​ലി​റ്റി​യി​ൽ നി​ന്നാ​ണ്​ എ​യ​ർ ടാ​ക്സി​ക​ൾ വാ​ങ്ങു​ന്ന​ത്. 2030ഓ​ടെ ദു​ബൈ​യി​ൽ വാ​ണി​ജ്യാ​ടി​സ്ഥാ​ന​ത്തി​ൽ എ​യ​ർ ടാ​ക്​​സി സ​ർ​വി​സു​ക​ൾ തു​ട​ങ്ങാ​നാ​ണ്​ ക​മ്പ​നി​യു​ടെ പ​ദ്ധ​തി. പൈ​ല​റ്റി​നെ കൂ​ടാ​തെ അ​ഞ്ച്​ യാ​ത്ര​ക്കാ​ർ​ക്ക്​ യാ​ത്ര ചെ​യ്യാ​ൻ ക​ഴി​യു​ന്ന രീ​തി​യി​ലു​ള്ള എ​യ​ർ ടാ​ക്സി​യാ​ണ്​ വി​ക​സി​പ്പി​ക്കു​ന്ന​ത്.

ന​ഗ​ര​ങ്ങ​ളി​ലേ​യും പ്രാ​ന്ത​പ്ര​ദേ​ശ​ങ്ങ​ളി​ലേ​യും യാ​ത്ര​ക്ക്​ അ​നു​യോ​ജ്യ​മാ​യ രീ​തി​യി​ലാ​ണ് എ​യ​ർ ടാ​ക്സി​ക​ളു​ടെ​ രൂ​പ​ക​ൽ​പ​ന. അ​തോ​ടൊ​പ്പം കാ​ർ​ഗോ സ​ർ​വി​സു​ക​ൾ​ക്കും ​എ​യ​ർ ടാ​ക്സി ഉ​പ​യോ​ഗി​ക്കും. മ​ണി​ക്കൂ​റി​ൽ 180 കി​ലോ​മീ​റ്റ​റാ​ണ്​ വേ​ഗം. അ​തോ​ടൊ​പ്പം നി​ല​വി​ലെ ബാ​റ്റ​റി ശേ​ഷി അ​നു​സ​രി​ച്ച്​ 130 കി​ലോ​മീ​റ്റ​ർ വ​രെ സ​ഞ്ച​രി​ക്കാ​ൻ എ​യ​ർ ടാ​ക്സി​ക്ക്​ ശേ​ഷി​യു​ണ്ട്. യു.​എ.​ഇ​യെ കൂ​ടാ​തെ സൗ​ദി അ​റേ​ബ്യ​യും എ​യ​ർ ടാ​ക്സി സ​ർ​വി​സു​ക​ൾ ആ​രം​ഭി​ക്കാ​ൻ പ​ദ്ധ​തി​യി​ടു​ന്നു​ണ്ട്. ആ​ധു​നി​ക ഗ​താ​ഗ​ത സം​വി​ധാ​നം അ​വ​ത​രി​പ്പി​ക്കു​ന്ന​തി​ലൂ​ടെ യാ​ത്ര സ​മ​യം പ​ര​മാ​വ​ധി കു​റ​ക്കു​ക​യും സു​സ്ഥി​ര​മാ​യ മാ​ർ​ഗ​ങ്ങ​ളി​ലേ​ക്ക്​ മാ​റു​ക​യു​മാ​ണ്​​ ല​ക്ഷ്യം.

ദു​ബൈ​ക്ക്​ ശേ​ഷം മി​ഡി​ൽ ഈ​സ്റ്റി​ലെ മ​റ്റു ഭാ​ഗ​ങ്ങ​ൾ, തെ​ക്ക്​ കി​ഴ​ക്ക​ൻ ഏ​ഷ്യ, കി​ഴ​ക്ക്​ ഏ​ഷ്യ, യൂ​റോ​പ്​ എ​ന്നി​വി​ട​ങ്ങ​ളി​ലേ​ക്കും എ​യ​ർ ടാ​ക്സി സ​ർ​വി​സ്​ വ്യാ​പി​പ്പി​ക്കാ​നാ​ണ്​ ക​മ്പ​നി തീ​രു​മാ​ന​മെ​ന്ന്​ എ​യ​ർ ഷാ​ട്ടോ ചെ​യ​ർ​മാ​ൻ സ​മി​ർ മു​ഹ​മ്മ​ദ്​ പ​റ​ഞ്ഞു. ദു​ബൈ, അ​ബൂ​ദ​ബി ന​ഗ​ര​ങ്ങ​ളി​ലേ​ക്കാ​യി​രി​ക്കും തു​ട​ക്ക​ത്തി​ൽ സ​ർ​വി​സ്.