ദുബായ് മെട്രോയുടെ പുതിയ ബ്ലൂ ലൈൻ റൂട്ട് മാപ്പ് പുറത്തിറക്കി ആർടിഎ

ദുബായിലെ റോഡ് ആൻഡ് ട്രാൻസ്പോർട്ട് അതോറിറ്റി (ആർ.ടി.എ.) പ്രഖ്യാപിച്ച ദുബായ് മെട്രോയുടെ പുതിയ ബ്ലൂ ലൈനിന്റെ റൂട്ട് മാപ്പ് പുറത്തിറക്കി. മെട്രോ ശൃംഖലയുടെ 20-ാം വാർഷികത്തിന് മുന്നോടിയായി 2029ൽ ഈ പുതിയ പാത പൊതുജനങ്ങൾക്കായി തുറന്നു കൊടുക്കും.
ബ്ലൂ ലൈനിന്റെ പ്രത്യേകതകളും വിശദാംശങ്ങളും ഉൾപ്പെടുത്തി ആർടിഎ വിഡിയോ ട്വീറ്റും പങ്കുവച്ചിട്ടുണ്ട്. ആകെ 30 കിലോമീറ്റർ നീളമാണ് ഈ പാതയ്ക്കുള്ളത്. ഇതിൽ 14.5 കിലോമീറ്റർ ഭൂമിക്കടിയിലൂടെയും 15.5 കിലോമീറ്റർ ഭൂമിക്കു മുകളിലൂടെയുമാണ് കടന്നുപോകുന്നത്.

ഇത് നഗരത്തിലെ കണക്റ്റിവിറ്റി കൂടുതൽ എളുപ്പമാക്കും. പുതിയ ലൈൻ തുറക്കുന്നതോടെ നഗരത്തിൽ 14 പുതിയ സ്റ്റേഷനുകൾ ഉണ്ടാകും. ഇതിൽ ചിലത് ഭൂനിരപ്പിലും ചിലത് ഭൂമിക്കടിയിലുമായിരിക്കും.