ലോകത്തെ ഏറ്റവും ജനപ്രിയമായ സാംസ്കാരിക-വിനോദ കേന്ദ്രങ്ങളിലൊന്നായ ഗ്ലോബൽ വില്ലേജിന്റെ 30-ാം സീസണിനോടനുബന്ധിച്ച് പ്രത്യേക സംയുക്ത പദ്ധതി പ്രഖ്യാപിച്ചു. ദുബായ് ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്സ് അഫയേഴ്സും(ജിഡിആർഎഫ്എ ദുബായ്) ഗ്ലോബൽ വില്ലേജും ചേർന്നാണ് ഈ പദ്ധതിക്ക് തുടക്കമിടുന്നത്.പുതിയ പദ്ധതിയുടെ ഭാഗമായി, ദുബായിൽ നിന്ന് ഇഷ്യു ചെയ്യുന്ന വീസകളിലും ദുബായ് അതിർത്തികളിലൂടെ പ്രവേശിക്കുന്ന യാത്രക്കാരുടെ പാസ്പോർട്ടുകളിലും ഗ്ലോബൽ വില്ലേജിന്റെ ലോഗോ പതിക്കും.
ഗ്ലോബൽ വില്ലേജ് സീസൺ 30-ന്റെ ഔദ്യോഗിക ലോഗോ അടങ്ങിയ ഈ പ്രത്യേക സ്റ്റാംപ് ലഭിക്കുന്നവർക്ക് ആദ്യത്തെ 10 ദിവസത്തേയ്ക്ക് ഗ്ലോബൽ വില്ലേജിലേക്ക് സൗജന്യ പ്രവേശനം ലഭിക്കും. ഈ ആനുകൂല്യം ഒരു വ്യക്തിക്ക് ഒരിക്കൽ മാത്രമേ ഉപയോഗിക്കാൻ സാധിക്കൂ. ലോകത്തെങ്ങുമുള്ള സന്ദർശകരെ ആകർഷിക്കുന്ന ഗ്ലോബൽ വില്ലേജ് വിവിധ രാജ്യങ്ങളെയും സംസ്കാരങ്ങളെയും ഒരുമിപ്പിക്കുന്ന വേദിയാണെന്നും ദുബായുടെ സാംസ്കാരിക വൈവിധ്യത്തിന്റെ പ്രതീകമായി നിലകൊള്ളുന്നുവെന്നും ജിഡിആർഎഫ്എ അറിയിച്ചു.
Discover more from Radio Keralam 1476 AM News
Subscribe to get the latest posts sent to your email.
