കുട്ടികളുടെ എമിഗ്രേഷൻ കൗണ്ടർ വിപുലപ്പെടുത്തുന്നു

ദുബൈ എയർപോർട്ട് കുട്ടികൾക്കായി അടുത്തിടെ ആരംഭിച്ച എമിഗ്രേഷൻ കൗണ്ടർ സേവനം കൂടുതൽ വിപുലപ്പെടുത്തുന്നു. എല്ലാ ടെർമിനൽ അറൈവൽ ഭാഗത്തേക്കും കൗണ്ടറുകൾ സ്ഥാപിക്കാൻ പദ്ധതിയുണ്ടെന്ന് ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്‌സ് അഫയേഴ്‌സ് ദുബൈ മേധാവി ലഫ്റ്റനന്റ് ജനറൽ മുഹമ്മദ് അഹ്മദ് അൽ മർറി അറിയിച്ചു.ദുബായിലേക്ക് എത്തുന്ന കുട്ടികൾക്ക് പാസ്‌പോർട്ടിൽ സ്വയം സ്റ്റാമ്പ് ചെയ്യാൻ അനുവദിക്കുന്ന ഫ്‌ലാറ്റ്‌ഫോമാണ് ഇത്.നിലവിൽ ദുബായ് വിമാനത്താവളം ടെർമിനൽ മൂന്നിന്റെ അറൈവൽ ഭാഗത്ത് മാത്രമാണ് ഇത് സ്ഥാപിച്ചിടുള്ളത്

കുട്ടികൾക്ക് സന്തോഷവും ആവേശവും നൽകാവുവാൻ വേണ്ടി അവർക്ക് മാത്രമായുള്ള ലോകത്തെ ആദ്യത്തെ സമർപ്പിത പവലിയനാണ് ഈ കൗണ്ടർ.ഇക്കഴിഞ്ഞ ഈദുൽ ഫിത്തർ ദിനത്തിലാണ് ഈ സംരംഭം ആരംഭിച്ചത്.4 മുതൽ 12 വയസ്സുവരെയുള്ള കുട്ടികൾക്കാണ് ഇത് ഉപയോഗിക്കാൻ കഴിയുക.കുട്ടികൾക്ക് പാസ്‌പോർട്ടിൽ സ്റ്റാമ്പ് ചെയ്യാനും അവരുടെ അന്വേഷണങ്ങൾക്ക് ഉത്തരം നൽകുന്നതിനും പ്രത്യേകം പരിശീലനം ലഭിച്ച പാസ്‌പോർട്ട് ഓഫീസർമാരും വിദഗ്ധ ജോലിക്കാരും കുട്ടികൾക്കുള്ള സേവനം സുഗമമാകാൻ നിയോഗിച്ചിട്ടുണ്ടെന്ന് ലഫ്റ്റ നന്റ് ജനറൽ മുഹമ്മദ് അഹ്മദ് അൽ മർറി പറഞ്ഞു

ലോകമെമ്പാടുമുള്ള ഏത് വിമാനത്താവളങ്ങളിലെയും പാസ്‌പോർട്ട് നിയന്ത്രണം ഏതൊരു യാത്രക്കാരന്റെയും ആദ്യമതിപ്പ് പ്രതിനിധീകരിക്കുന്നു. ഇത്തരത്തിൽ കുട്ടികൾക്ക് സാധാരണമായ അനുഭവങ്ങൾ നൽകാൻ കുട്ടികളുടെ എമിഗ്രേഷൻ കൗണ്ടറുകൾക്ക് കഴിയുമെന്ന് ദുബൈ എമിഗ്രേഷൻ ഹാപ്പിനസ് സർവീസസ് ഡയറക്ടർ കേണൽ സാലിം ബിൻ അലി പറഞ്ഞു.എല്ലാ ടെർമിനൽ അറൈവൽ ഏരിയകളിലേക്കും ഈ കൗണ്ടറുകൾ വിപുലീകരിക്കുന്നത് യുവ സന്ദർശകർക്ക് മൊത്തത്തിലുള്ള യാത്രാനുഭവം വർദ്ധിപ്പിക്കുന്നതിനുള്ള ദുബായിയുടെ പ്രതിബദ്ധതയെ അടിവരയിടുന്നു. പാസ്പോർട്ട് നിയന്ത്രണത്തിൽ സജീവമായി പങ്കെടുക്കാൻ കുട്ടികളെ അനുവദിക്കുന്നതിലൂടെ, കുട്ടി യാത്രക്കാർക്ക് മികച്ചതും അവിസ്മരണീയവുമായ യാത്ര മതിപ്പ് സൃഷ്ടിക്കാൻ ദുബായ് എമിഗ്രേഷൻ ലക്ഷ്യമിടുന്നുവെന്ന് അദ്ദേഹം പറഞ്ഞു. കുട്ടികൾ വിമാനത്താവളത്തിൽ എത്തുന്നത് മുതൽ യാത്രയുടെ ഓരോ ഘട്ടത്തിലും സന്തോഷവും ഉപഭോക്തൃ സംതൃപ്തിയും പ്രോത്സാഹിപ്പിക്കുന്നതിനുള്ള ദുബായുടെ സമർപ്പണമാണ് ഈ സംരംഭം തെളിയിക്കുന്നത്. കുട്ടി യാത്രക്കാരെ രസകരവും സംവേദനാത്മകവുമായ രീതിയിൽ ഇടപഴകുന്നതിലൂടെ, ശിശുസൗഹൃദ- യാത്രാ സേവനങ്ങൾക്ക് പുതിയ മാനദണ്ഡങ്ങൾ സജ്ജീകരിക്കാൻ ദുബായ് ലക്ഷ്യമിടുന്നു, ഇത് മൊത്തത്തിലൽ യാത്ര കുടുംബങ്ങൾക്ക് കൂടുതൽ ആസ്വാദ്യകരമാകുമെന്ന് പ്രതീക്ഷിക്കുന്നു