ഓൺലൈൻ മീറ്റിംഗുകളിൽ സുരക്ഷാ വീഴ്ചകൾ ഉണ്ടാകാൻ സാധ്യതയുണ്ടെന്ന് യുഎഇ സൈബർ സുരക്ഷാ കൗൺസിൽ മുന്നറിയിപ്പ് നൽകി. സുരക്ഷിതമല്ലാത്ത ലിങ്കുകളും ദുർബലമായ പാസ്വേഡുകളും ഉപയോഗിച്ച് തട്ടിപ്പുകാർക്ക് മീറ്റിംഗുകളിൽ നുഴഞ്ഞുകയറി പ്രധാനപ്പെട്ട വിവരങ്ങൾ മോഷ്ടിക്കാൻ സാധിക്കുമെന്നും കൗൺസിൽ വ്യക്തമാക്കി.
ശ്രദ്ധിക്കേണ്ട കാര്യങ്ങൾ
- പുതിയ മീറ്റിംഗ് ലിങ്കുകൾ: എല്ലാ മീറ്റിംഗുകൾക്കും പുതിയ ലിങ്കുകളും പാസ്വേഡുകളും ഉപയോഗിക്കുക. ഒരേ ലിങ്ക് ആവർത്തിച്ച് ഉപയോഗിക്കുന്നത് സുരക്ഷാ ഭീഷണിയുണ്ടാക്കും.
- പാസ്വേഡ് സുരക്ഷ: മീറ്റിംഗുകൾക്ക് ശക്തമായ പാസ്വേഡുകൾ നൽകുക. പാസ്വേഡ് ഇല്ലാത്ത മീറ്റിംഗുകൾ എളുപ്പത്തിൽ ഹാക്ക് ചെയ്യാൻ സാധ്യതയുണ്ട്.
- വെയിറ്റിംഗ് റൂം: സ്വകാര്യ മീറ്റിംഗുകൾക്ക് വെയിറ്റിംഗ് റൂം സജീവമാക്കുക. ഇത്, പങ്കെടുക്കുന്നവരെ അവരുടെ പേര് പരിശോധിച്ച് മാത്രം മീറ്റിംഗിലേക്ക് പ്രവേശിപ്പിക്കാൻ സഹായിക്കും.
- അനുമതികൾ നിയന്ത്രിക്കുക: സ്ക്രീൻ ഷെയറിംഗ്, മൈക്രോഫോൺ, ക്യാമറ എന്നിവയ്ക്കുള്ള അനുമതികൾ മുൻകൂട്ടി ക്രമീകരിക്കുക.
- ക്ഷണങ്ങൾ ശ്രദ്ധിക്കുക: ക്ഷണങ്ങൾ അയയ്ക്കുമ്പോൾ തെറ്റായ ഇമെയിൽ വിലാസങ്ങൾ ഒഴിവാക്കുക. കൂടാതെ, ഹോസ്റ്റ് അല്ലെങ്കിൽ മോഡറേറ്റർ അവകാശങ്ങൾ ആവശ്യമില്ലാത്തവർക്ക് നൽകരുത്.
ഓൺലൈൻ മീറ്റിംഗുകളിലെ സുരക്ഷാ വീഴ്ചകൾ തടയുന്നതിലൂടെ പ്രധാനപ്പെട്ട ഡാറ്റാ മോഷണം തടയാൻ സാധിക്കുമെന്ന് കൗൺസിൽ ഓർമ്മിപ്പിച്ചു. കോവിഡ്-19 കാലഘട്ടത്തിനു ശേഷം ഓൺലൈൻ മീറ്റിംഗുകൾ സാധാരണമായതോടെ നുഴഞ്ഞുകയറ്റ ശ്രമങ്ങൾ വർദ്ധിച്ചതായും കൗൺസിൽ കൂട്ടിച്ചേർത്തു.
