ഫ്ലാറ്റിൽ ഓണാഘോഷം; പൂക്കളം നശിപ്പിച്ച് യുവതി; സോഷ്യൽമീഡിയയിൽ വിമർശനം

ബെം​ഗളൂരുവിൽ ഓണാഘോഷത്തിന്റെ ഭാ​ഗമായി മലയാളികൾ തീർത്ത പൂക്കളം നശിപ്പിച്ച് യുവതി. സംഭവത്തിന്റെ ദൃശ്യങ്ങൾ സോഷ്യൽമീഡിയയിൽ വ്യാപകമായി പ്രചരിക്കുകയാണ്. താന്നിസാന്ദ്രയിലെ മൊണാർക്ക് സെറിനിറ്റിയിലാണ് സംഭവം നടന്നതെന്ന് പറയുന്നു. യുവതിയും മലയാളിയാണെന്നാണ് വിവരം. ഫ്ലാറ്റിന്റെ കോമൺ ഏരിയയിൽ പൂക്കളമിട്ടതിനെ യുവതി ചോദ്യം ചെയ്യുന്നതും തർക്കിക്കുന്നതും പിന്നാലെ പൂക്കളം നശിപ്പിക്കുന്നതും ദൃശ്യങ്ങളിൽ കാണാം. വ്യാപകമായ വിമർശനമാണ് ഇവർക്കെതിരെ ഉയരുന്നത്.

ഫ്ലാറ്റിലെ ബൈലോ പ്രകാരം ഇവിടെ പൂക്കളമിടാകാനില്ലെന്നാണ് യുവതി തർക്കിച്ചത്. പൂക്കളം നശിപ്പിക്കുന്ന വീഡിയോ എല്ലാവരെയും കാണിക്കുമെന്ന് പറഞ്ഞപ്പോൾ പ്രശ്നമില്ലെന്നും കാണിച്ചോയെന്നും യുവതി പറഞ്ഞു. പൊതുസ്ഥലം എന്നത് എല്ലാ താമസക്കാർക്കും ഒരുമിച്ച് ഉത്സവങ്ങൾ പങ്കിടാനും ആഘോഷിക്കാനുമുള്ളതാണെന്ന് സഹതാമസക്കാർ പറയുന്നുണ്ടെങ്കിലും ഇവർ അത് അം​ഗീകരിക്കുന്നില്ല.