ഡെവിൾസ് കോമറ്റ് അഥവാ ചെകുത്താൻ വാൽനക്ഷത്രം ഭൂമിക്ക് സമീപത്തേക്കുവരുന്നു. സൂര്യനിൽ നിന്നുള്ള വികിരണം കടുക്കുമ്പോൾ, ചിലപ്പോൾ ഈ വാൽനക്ഷത്രത്തിന്റെ ഹിമം നിറഞ്ഞ പുറന്തോട് പൊട്ടുകയും ക്രയോമാഗ്മ എന്ന പദാർഥം വെളിയിലേക്കു തെറിക്കുകയും ചെയ്യും. ഈ തെറിക്കുന്ന പദാർഥ ഘടനയുടെ രൂപം കൊമ്പുകളെ അനുസ്മരിപ്പിക്കുന്നതിനാലാണ് ഇതിനു ഡെവിൾസ് കോമറ്റ് എന്നു പേര് ലഭിച്ചത്.
12 പി പോൺസ് ബ്രൂകസ് എന്നാണ് ഈ വാൽനക്ഷത്രത്തിന്റെ യഥാർഥ പേര്. 1812ൽ ഈ വാൽനക്ഷത്രത്തെ കണ്ടെത്തിയത് ഴീൻ ലൂയി പോൺസ് എന്ന ജ്യോതിശ്ശാസ്ത്രജ്ഞനാണ്. ഇതിന്റെ വീതി ഏകദേശം 17 കിലോമീറ്ററാണ്. വരുന്ന ജൂണിന് ഭൂമിയോട് ഏറ്റവും അടുത്ത് വരുമ്പോൾ ആകാശത്ത് നഗ്നനേത്രങ്ങൾ കൊണ്ട് ഈ വാൽനക്ഷത്രത്തേ കാണാനാകും എന്നാണ് പറയ്യുന്നത്. പൊതുവെ ജീവിതത്തിൽ ഒരിക്കലുള്ള അവസരമാണിത്. കാരണം ഈ വാൽനക്ഷത്രം 71 വർഷത്തിലൊരിക്കലാണ് സൂര്യനുചുറ്റും ഒരു ഭ്രമണപഥം പൂർത്തിയാക്കുന്നത്. ഡെവിൾസ് കോമറ്റ് ഇനി ഭൂമിയിൽ ദൃശ്യമാകുന്നത് 71 വർഷങ്ങൾക്ക് ശേഷമായിരിക്കും.
Discover more from Radio Keralam 1476 AM News
Subscribe to get the latest posts sent to your email.
