സൗദിയിൽ ഇന്ന് ഉച്ചവരെ മഴ തുടരും, വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു
സൗദി അറേബ്യയിലെ റിയാദ്, കിഴക്കൻ പ്രവിശ്യ എന്നിവിടങ്ങളിൽ ഉൾപ്പെടെ ഇന്ന് ഉച്ചവരെ മഴ തുടരുമെന്ന് കാലാവസ്ഥാ മുന്നറിയിപ്പ്. ഇന്നലെ രാത്രി ആരംഭിച്ച മഴയെ തുടർന്ന് പല ഭാഗത്തും ഗതാഗതം താറുമാറായ സ്ഥിതിയാണ്. ഖസീം, ഹാഇൽ പ്രവിശ്യകളിലും അസീറിലും മഴ ഇപ്പോഴും തുടരുകയാണ്. മഴ ശക്തമായതിനെ തുടർന്ന് പല ഭാഗത്തും വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. മഴ മുന്നറിയിപ്പ് ലംഘിച്ച് വെള്ളക്കെട്ടിലേക്ക് പ്രവേശിച്ച വാഹനങ്ങൾ ഒലിച്ചുപോയ സംഭവങ്ങളുണ്ടായി. അപകടത്തിൽ പെട്ട വാഹനങ്ങളിൽ നിന്ന് ആളുകളെ രക്ഷപ്പെടുത്തുകയും ചെയ്തു. അൽപ…
