വനിതാ ലോകകപ്പ്; മൂന്നാം വിജയം തേടി ഇന്ത്യ, ഇന്ന് ദക്ഷിണാഫ്രിക്കയെ നേരിടും

ഐസിസി വനിതാ ഏകദിന ലോകകപ്പിൽ ഇന്ത്യ ഇന്ന് കരുത്തരായ ദക്ഷിണാഫ്രിക്കയെ നേരിടും. മൂന്നാം ജയം തേടിയാണ് ടീം ഇന്ത്യ ഇറങ്ങുന്നത്. വിശാഖപട്ടണം സ്റ്റേഡിയത്തിൽ വൈകീട്ട് മൂന്നു മണി മുതലാണ് മത്സരം. ബാറ്റിങ്ങിന് അനുകൂലമായ പിച്ചാണെന്നാണ് റിപ്പോർട്ട്.

ടൂർണമെന്റിലെ ആദ്യ രണ്ടു മത്സരങ്ങളും വിജയിച്ചതിന്റെ ആത്മവിശ്വാസത്തിലാണ് ഹർമൻ പ്രീത് കൗറും സംഘവും. ബാറ്റിങ്, ബൗളിങ് നിര ഫോമിലാണെന്നത് ഇന്ത്യയ്ക്ക് ആത്മവിശ്വാസമേകുന്നു. അതേസമയം സീനിയർ താരങ്ങളായ സ്മൃതി മന്ധാനയും ഹർമൻ പ്രീതും ഇതുവരെ ഫോമിലേക്കെത്താത്തത് ഇന്ത്യയ്ക്ക് തലവേദനയാണ്.

അതേസമയം ഒരു ജയവും ഒരു തോൽവിയുമാണ് ദക്ഷിണാഫ്രിക്കയ്ക്കുള്ളത്. ആദ്യ മത്സരത്തിൽ ദക്ഷിണാഫ്രിക്ക ഇംഗ്ലണ്ടിനോട് 10 വിക്കറ്റ് തോൽവി വഴങ്ങിയിരുന്നു. രണ്ടാം മത്സരത്തിൽ ന്യൂസിലൻഡിനെതിരെ 6 വിക്കറ്റ് ജയം നേടി. കിവീസിനെതിരെ സെഞ്ച്വറി നേടിയ തസ്മീൻ ബ്രിറ്റ്സിലാണ് ദക്ഷിണാഫ്രിക്കയുടെ പ്രതീക്ഷ.