ടി20 ലോകകപ്പിനുള്ള 15 അംഗ ഇംഗ്ലണ്ട് ക്രിക്കറ്റ് ടീമനെ പ്രഖ്യാപിച്ചു. ജോസ് ബട്ലര് തന്നെയാണ് ടീമിനെ നയിക്കുക. പരിക്കിനെ തുടർന്ന് ടീമിന് പുറത്തായ ജോഫ്ര ആര്ച്ചര് മാസങ്ങൾക്ക് ശേഷം ടീമിൽ തിരിച്ചെത്തുകയും ചെയ്തു. ഓള് റൗണ്ടര് ക്രിസ് ജോര്ദ്ദാനും ടീമിലെത്തി. ഐപിഎല്ലില് കൊല്ക്കത്തക്കായി തകര്ത്തടിക്കുന്ന ഫിള് സാള്ട്ട് ഓപ്പണറായി ഇംഗ്ലണ്ട് ടീമിലെത്തിയിട്ടുണ്ട്. മറ്റൊരു അപ്രതീക്ഷിത എന്ട്രി കഴിഞ്ഞ മത്സരത്തില് ആര്സിബിക്കായി സെഞ്ചുറി നേടിയ വില് ജാക്സാണിന്റേതാണ്. പഞ്ചാബ് കിംഗ്സിന്റെ ജോണി ബെയര്സ്റ്റോയും ടീമിലുണ്ട്.
പേസ് നിരയിലുള്ളത് ജോഫ്ര ആര്ച്ചര്, റീസ് ടോപ്ലി, മാര്ക്ക് വുഡ്, ക്രിസ് ജോര്ദ്ദാന് എന്നിവരാണ്. സ്പിന്നര്മാരായി ആദില് റഷീദും ടോം ഹാര്ട്ലിയും ടീമിലെത്തിയപ്പോൾ വൈസ് ക്യാപ്റ്റനായ മൊയീന് അലി മൂന്നാം സ്പിന്നറായി. ലിയാം ലിവിംഗ്സ്റ്റണ്, ബെന് ഡക്കറ്റ് എന്നിവരും ടീമിലുണ്ട്. ഇംഗ്ലണ്ട് 2022ല് കിരീടം നേടിയിരുന്നു. ലോകകപ്പിന് മുമ്പ് മെയ് അവസാനം പാകിസ്ഥാനുമായി നാല് മത്സര ടി20 പരമ്പരയിലും ഇംഗ്ലണ്ട് കളിക്കും.
Discover more from Radio Keralam 1476 AM News
Subscribe to get the latest posts sent to your email.
