ഇന്ത്യ-ഖത്തർ ഫുട്ബോൾ മത്സരം ; ടിക്കറ്റ് വിൽപ്പന തകൃതി

സു​നി​ൽ ഛേത്രി​യി​ല്ലാ​തെ​യെ​ത്തു​ന്ന ഇ​ന്ത്യ​ൻ ടീ​മും, മ​ല​യാ​ളി താ​രം ത​ഹ്സീ​ൻ മു​ഹ​മ്മ​ദ് അ​ണി​നി​ര​ക്കു​ന്ന ഖ​ത്ത​റും ദോ​ഹ​യി​ൽ ഏ​റ്റു​മു​ട്ടു​മ്പോ​ൾ ഗാ​ല​റി​യി​ൽ ഇ​രി​പ്പി​ടം ഉ​റ​പ്പി​ക്കേ​ണ്ടേ. ജൂ​ൺ 11ന് ​ജാ​സിം ബി​ൻ ഹ​മ​ദ് സ്റ്റേ​ഡി​യ​ത്തി​ൽ ന​ട​ക്കു​ന്ന ഇ​ന്ത്യ-​ഖ​ത്ത​ർ ലോ​ക​ക​പ്പ് യോ​ഗ്യ​ത റൗ​ണ്ടി​ലെ നി​ർ​ണാ​യ​ക അ​ങ്ക​ത്തി​നു​ള്ള ടി​ക്ക​റ്റ് വി​ൽ​പ​ന​ക്ക് തു​ട​ക്കം കു​റി​ച്ചു. വൈ​കു​ന്നേ​രം 6.45നാ​ണ് മ​ത്സ​ര​ത്തി​ന് കി​ക്കോ​ഫ് കു​റി​ക്കു​ന്ന​ത്. ‪tickets.qfa.qa എ​ന്ന ലി​ങ്ക് വ​ഴി ഇ​പ്പോ​ൾ ടി​ക്ക​റ്റു​ക​ൾ ബു​ക്ക് ചെ​യ്യാ​വു​ന്ന​താ​ണ്. പ​ത്ത് റി​യാ​ൽ മു​ത​ൽ നി​ര​ക്കി​ൽ ടി​ക്ക​റ്റു​ക​ൾ ബു​ക്ക് ചെ​യ്യാം.

ഗ്രൂ​പ് ‘എ’​യി​ൽ​നി​ന്നും അ​ഞ്ചി​ൽ നാ​ല് ജ​യ​വും ഒ​രു സ​മ​നി​ല​യു​മാ​യി സേ​ഫ് സോ​ണി​ലാ​ണ് ഖ​ത്ത​റെ​ങ്കി​ൽ ഇ​ന്ത്യ​ക്ക് മു​ന്നോ​ട്ടു​ള്ള കു​തി​പ്പി​ൽ മ​ത്സ​ര​ഫ​ലം നി​ർ​ണാ​യ​ക​മാ​ണ്. 13 പോ​യ​ന്റു​മാ​യി ലോ​ക​ക​പ്പ് യോ​ഗ്യ​ത റൗ​ണ്ടി​ന്റെ മൂ​ന്നാം ഘ​ട്ട​ത്തി​ലേ​ക്കും, 2027 ഏ​ഷ്യ​ൻ ക​പ്പി​നും ഖ​ത്ത​ർ യോ​ഗ്യ​ത നേ​ടി​ക്ക​ഴി​ഞ്ഞു. അ​വ​സാ​ന ര​ണ്ടു മ​ത്സ​ര​ങ്ങ​ൾ​ക്കും സീ​നി​യ​ർ താ​ര​ങ്ങ​ളി​ല്ലാ​തെ യു​വ​നി​ര​യു​മാ​യാ​ണ് ഖ​ത്ത​ർ ഇ​റ​ങ്ങു​ന്ന​ത്.

എ​ന്നാ​ൽ, ഒ​രു ജ​യ​വും ര​ണ്ട് തോ​ൽ​വി​യും ര​ണ്ട് സ​മ​നി​ല​യു​മു​ള്ള ഇ​ന്ത്യ​ക്ക് മു​ന്നോ​ട്ടു​ള്ള യാ​ത്ര​യി​ൽ ഏ​റെ നി​ർ​ണാ​യ​ക​മാ​ണ് മ​ത്സ​രം. ക​ഴി​ഞ്ഞ​യാ​ഴ്ച കൊ​ൽ​ക്ക​ത്ത​യി​ൽ ന​ട​ന്ന സു​നി​ൽ ഛേത്രി​യു​ടെ വി​ട​വാ​ങ്ങ​ൽ മ​ത്സ​ര​ത്തി​ൽ കു​വൈ​ത്തി​ന് മു​ന്നി​ൽ ഗോ​ൾ​ര​ഹി​ത സ​മ​നി​ല​യാ​യി​രു​ന്നു ഇ​ന്ത്യ​ക്ക്. അ​വ​സാ​ന മ​ത്സ​ര​ത്തി​ൽ ഖ​ത്ത​റി​നെ തോ​ൽ​പി​ച്ചാ​ൽ മാ​ത്ര​മെ, ഏ​ഷ്യ​ൻ ക​പ്പ് യോ​ഗ്യ​ത​യും ലോ​ക​ക​പ്പ് യോ​ഗ്യ​ത റൗ​ണ്ടി​ന്റെ അ​ടു​ത്ത ഘ​ട്ട​ത്തി​ലേ​ക്ക് പ്ര​വേ​ശ​ന​വും സാ​ധ്യ​മാ​കൂ.