ചരിത്ര നിമിഷം ഖത്തറിന്റെ ചുവരിൽ വരച്ച് ചേർത്തു

ഈ ​നൂ​റ്റാ​ണ്ടി​ലെ ഏ​റ്റ​വും മ​നോ​ഹ​ര​മാ​യ കാ​യി​ക​ചി​ത്രം ഏ​തെ​ന്ന ചോ​ദ്യ​ത്തി​ന് ഫു​ട്ബാ​ൾ പ്രേ​മി​ക​ൾ​ക്ക് ഒ​രു​ത്ത​രം മാ​ത്ര​മേ​യു​ണ്ടാ​വൂ. 2022 ഡി​സം​ബ​ർ 18ന് ​രാ​ത്രി ലു​സൈ​ൽ സ്റ്റേ​ഡി​യ​ത്തി​ന്റെ മു​റ്റ​ത്ത് ഖ​ത്ത​റി​ന്റെ​യും അ​റ​ബ് ലോ​ക​ത്തി​ന്റെ​യും ആ​ദ​ര​വാ​യി മേ​ൽ​ക്കു​പ്പാ​യ​മാ​യ ‘ബി​ഷ്ത്’ അ​ണി​ഞ്ഞ്, ലോ​ക​ക​പ്പ് കി​രീ​ട​വു​മാ​യി അ​ർ​ജ​ന്റീ​ന നാ​യ​ക​ൻ ല​യ​ണ​ൽ മെ​സ്സി ത​ല​യു​യ​ർ​ത്തി നി​ൽ​ക്കു​ന്ന ആ ​ചി​ത്രം. പെ​ലെ​യും ഡീ​ഗോ മ​റ​ഡോ​ണ​യും ലോ​ക​കി​രീ​ടം മാ​റോ​ട​ണ​ച്ച് നി​ൽ​ക്കു​ന്ന ആ ​ച​രി​ത്ര ഫ്രെ​യി​മു​ക​ളെ അ​നു​സ്മ​രി​പ്പി​ക്കു​ന്ന ല​യ​ണ​ൽ മെ​സ്സി​യു​ടെ ചി​ത്രം ചു​മ​രി​ലേ​ക്ക് പ​ക​ർ​ത്തി​യി​രി​ക്കു​ക​യാ​ണ് ഇ​വി​ടെ​യൊ​രു അ​ർ​ജ​ൻ​റീ​ന ക​ലാ​കാ​ര​ൻ.

ലു​സൈ​ലി​ലെ ക​ളി​മു​റ്റ​ത്ത് ലോ​ക​ക​പ്പ് ട്രോ​ഫി ഏ​റ്റു​വാ​ങ്ങാ​ൻ ഒ​രു​ങ്ങു​ന്ന ല​യ​ണ​ൽ മെ​സ്സി​യെ ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി സ്വ​ർ​ണ​ക്ക​ര​യു​ള്ള ബി​ഷ്ത് അ​ണി​യി​ക്കു​ന്ന​തി​ന്റെ കൂ​റ്റ​നൊ​രു മ്യൂ​റ​ൽ പെ​യി​ന്റി​ങ്. അ​രി​കി​ലാ​യി കൗ​തു​ക​ത്തോ​ടെ നോ​ക്കു​ന്ന ഫി​ഫ പ്ര​സി​ഡ​ന്റ് ജി​യാ​നി ഇ​ൻ​ഫ​ന്റി​നോ​യെ​യും കാ​ണാം. ലോ​ക​ക​പ്പ് ഫു​ട്ബാ​ളി​ലെ ഓ​രോ മ​ത്സ​ര​ങ്ങ​ളോ​ളം ത​ന്നെ ഹൃ​ദ്യ​മാ​യി​രു​ന്നു ലു​സൈ​ൽ സ്റ്റേ​ഡി​യ​ത്തി​ലെ ഈ ​ച​രി​ത്ര നി​മി​ഷ​വും. അ​തി​നെ, 11 മീ​റ്റ​ർ ഉ​യ​ര​വും 27 മീ​റ്റ​ർ വീ​തി​യു​മു​ള്ള വി​ശാ​ല​മാ​യ ചു​മ​രി​ൽ ജീ​വ​സ്സു​റ്റ ആ ​ചി​ത്രം തീ​ർ​ത്ത​ത് അ​ർ​ജ​ന്റീ​ന​ക്കാ​രാ​യ മാ​ർ​ടി​ൻ റോ​ണും ഖ​ത്ത​രി ചി​ത്ര​കാ​ര​ൻ മു​ബാ​റ​ക് അ​ൽ മാ​ലി​കി​യും ചേ​ർ​ന്നാ​ണ്.

അ​തി​നാ​യി തി​ര​ഞ്ഞെ​ടു​ത്ത​താ​വ​ട്ടെ, ലോ​ക​ക​പ്പ് വേ​ള​യി​ൽ അ​ർ​ജ​ന്റീ​ന​യി​ൽ നി​ന്നു​ള്ള ആ​രാ​ധ​ക​ർ താ​മ​സി​ച്ച അ​ൽ വു​കൈ​റി​ലെ അ​ർ​ജ​ന്റീ​ന നൈ​ബ​ർ​ഹു​ഡ് എ​ന്ന അ​പ്പാ​ർ​ട്മെ​ന്റ് സ​മു​ച്ച​യ​വും. 40,00​0ത്തോ​ളം വ​രു​ന്ന അ​ർ​ജ​ന്റീ​ന ആ​രാ​ധ​ക​ർ ക​ളി ആ​സ്വ​ദി​ച്ചും ആ​ഘോ​ഷി​ച്ചും ഒ​ന്നി​ച്ചു താ​മ​സി​ച്ച ഈ ​പാ​ർ​പ്പി​ട സ​മു​ച്ച​യ​ത്തി​ലെ കൂ​റ്റ​ൻ ചു​മ​രി​നെ​യാ​ണ് ലോ​ക​ക​പ്പി​ലെ ഏ​റ്റ​വും അ​വി​സ്മ​ര​ണീ​യ​മാ​യ നി​മി​ഷം​കൊ​ണ്ട് അ​ല​ങ്ക​രി​ച്ച​ത്. കെ​ട്ടി​ട​ത്തി​ന്റെ ഉ​ട​മ​സ്ഥ​രാ​യ ബ​ർ​വ റി​യ​ൽ എ​സ്റ്റേ​റ്റു​മാ​യി സ​ഹ​ക​രി​ച്ചാ​ണ് ഇ​വ​ർ ചി​ത്രം പൂ​ർ​ത്തി​യാ​ക്കി​യ​ത്.

ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലാ​യി ല​യ​ണ​ൽ മെ​സ്സി​യു​ടെ​യും ഡീ​ഗോ മ​റ​ഡോ​ണ​യു​ടെ​യും ഉ​ൾ​പ്പെ​ടെ ജീ​വ​ൻ തു​ടി​ക്കു​ന്ന ചി​ത്ര​ങ്ങ​ൾ ര​ചി​ച്ച് ശ്ര​​ദ്ധ നേ​ടി​യ ക​ലാ​കാ​ര​നാ​ണ് മാ​ർ​ട്ടി​ൻ റോ​ൺ. അ​ർ​ജ​ന്റീ​ന​യു​ടെ ച​രി​ത്ര​നേ​ട്ട​വും സാം​സ്കാ​രി​ക കൈ​മാ​റ്റ​വും ഒ​രു ര​ച​ന​യി​ലൂ​ടെ ഖ​ത്ത​റി​ന്റെ മ​ണ്ണി​ൽ പ്ര​ദ​ർ​ശി​പ്പി​ക്കാ​ൻ ക​ഴി​ഞ്ഞ​ത് അ​ഭി​മാ​ന​ക​ര​മാ​ണെ​ന്ന് ഖ​ത്ത​റി​ലെ അ​ർ​ജ​ന്റീ​ന അം​ബാ​സ​ഡ​ർ ഗി​യേ​ർ​മോ നി​കോ​ള​സ് പ​റ​ഞ്ഞു.