നാട്ടിലേക്ക് മടങ്ങുന്ന പ്രവാസികൾക്ക് ആശ്വാസം, അധിക ബാഗേജ് ഓഫറുമായി എയർ ഇന്ത്യ എക്‌സ്പ്രസ്

ഇന്ത്യയിലേക്കുള്ള യാത്രക്കാർക്ക് അധിക ബാഗേജ് ഓഫറുമായി എയർ ഇന്ത്യ എക്‌സ്പ്രസ്. ഒമാനിൽ നിന്ന് കേരളത്തിലേക്കടക്കമുള്ള യാത്രക്കാർക്ക് ആശ്വാസമാണ് ഈ ഓഫർ. അഞ്ചു കിലോ അധിക ബഗേജിന് ആറു റിയാലും പത്തു കിലോക്ക് 12റിയാലും നൽകിയാൽ മതി.

നേരത്തെ ഇത് അഞ്ചു കിലോ അധിക ബഗേജിന് 25 റിയാലും പത്തു കിലോക്ക് 50 റിയാലും ആയിരുന്നു. ഒക്ടോബർ 25 വരെ ടിക്കറ്റുകൾ ബുക്ക് ചെയ്യുന്നവർക്ക് ഈ ബാഗേജ് നിരക്ക് ഓഫർ ലഭ്യമാണ്. പക്ഷേ ഇന്ത്യയിൽ നിന്ന് ഒമാനിലേക്കുള്ള യാത്രക്കാർക്ക് ഈ നിരക്കിളവ് ലഭിക്കില്ല. പെരുന്നാൾ, സ്‌കൂൾ അവധിക്ക് നാട്ടിൽ പോകുന്നവർക്ക് ഈ ഓഫർ പ്രയോജന

അതേസമയം സീസൺ ആയതിനാൽ വിമാന കമ്പനികൾ പലതും ഉയർന്ന നിരക്കാണ് മസ്‌കറ്റിൽ നിന്ന് കേരളത്തിലേക്ക് ഈടാക്കുന്നത്. സീസണായത് കൊണ്ട് തന്നെ ഫുൾ ലോഡുമായിട്ടാകും ഇനി വരും ദിവസങ്ങളിൽ എയർ ഇന്ത്യ എക്‌സ്പ്രസ് പറക്കുക. അതിനാൽ തന്നെ അധിക ലോഡ് വരുമ്പോൾ ഇത്തരം ബാഗേജ് ഓഫറുകൾ ഒഴിവാക്കാനുള്ള സാധ്യതയും ട്രാവൽ മേഖലയിലുള്ളവർ പറയുന്നു.