ഗുജറാത്തിലെ സ്കൂളുകൾ തകർക്കുമെന്ന് ഭീഷണി സന്ദേശം ; പൊലീസ് സ്ഥലത്തെത്തി അന്വേഷണം തുടങ്ങി

ഗുജറാത്തിലെ അഹമ്മദാബാദിൽ സ്കൂളുകൾ തകർക്കുമെന്ന് ഭീഷണി സന്ദേശം. ഏഴ് സ്‌കൂളുകൾക്കാണ് സ്ഥാപനങ്ങൾ തകർക്കുമെന്ന് ഭീഷണിപ്പെടുത്തിയാണ് ഇമെയിലുകൾ ലഭിച്ചതെന്ന് പൊലീസ് അറിയിച്ചു. തിങ്കളാഴ്ചയാണ് ഭീഷണി സന്ദേശം ലഭിച്ചത്. ഡൽഹി പബ്ലിക് സ്കൂൾ (ഡിപിഎസ്), ആനന്ദ് നികേതൻ തുടങ്ങിയ സ്കൂളുകൾക്കും ബോംബ് ഭീഷണിയുള്ള ഇമെയിലുകൾ ലഭിച്ചതായും പൊലീസ് പറയുന്നു. സംഭവത്തെ തുടർന്ന് പൊലീസ് സംഘം നഗരത്തിലെ വിവിധ സ്‌കൂളുകളിൽ എത്തി പരിശോധന നടത്തി വരികയാണ്.